کراچی: معروف اداکارہ سونیا حسین نے کہا ہے کہ ان شاء اللّٰہ میں ایک دن شادی ضرور کروں گی لیکن اس وقت جب مجھے کوئی صحیح شخص مل جائے گا –
باغی ٹی وی : حال ہی میں سونیا حسین نے نجی میگزین کی پوڈکاسٹ میں شرکت کی ،دوران انٹرویو اداکارہ سے میزبان نے سوال پوچھا کہ کیا کوئی ایسی چیز ہے جس کے بارے میں آپ کے خیالات وقت کے ساتھ ساتھ تبدیل ہوئے ہوں؟جس پر اداکارہ نے کہا کہ اللہ کا شکر ہے زندگی میں ہر چیز بہت جلدی جلدی ہوئی، تعلیم مکمل ہونا، کیریئر کا آغاز، پھر گھر اور گاڑی لینا سب بہت جلد ہوا۔
انہوں نے کہا کہ جب سب کچھ جلدی جلدی ہو رہا ہو تو پھر ایک وقت شادی کا آتا ہے، گھر والے کہنا شروع ہو جاتے ہیں کہ فلاں کو دیکھ لو، فلاں سے مل لو، وقت کے ساتھ ساتھ شادی کو لے کر میرے خیالات بہت تبدیل ہوئے اب مجھے لگتا ہے کہ اگر غیر شادی شدہ رہ کر کسی کو سکون و اطمینان مل رہا ہے تو پھر اسے شادی کے لیے جلدی نہیں کرنی چاہیے۔
ہانیہ کو بھارت میں وقت ضائع کرنے کے بجائے کہیں اور لگانا چاہیے، نادیہ خان
سونیا حسین نے کہا کہ ان شاء اللہ میں ایک دن شادی ضرور کروں گی لیکن اس وقت جب مجھے کوئی صحیح شخص مل جائے گا کیونکہ اس سے مستقبل میں بچوں کی زندگی متاثر ہوتی ہے میں نے اپنے بچپن میں دیکھا ہے کہ کس طرح دو افراد کے آپس کے مسائل بچوں کو متاثر کرتے ہیں، تو اسے ختم ہونا چاہیے پھر میرے بچے بھی اتنے سارے ہوں گے۔
میزبان نےسوال کیا کہ آپ کو بہت سارے بچے چاہئیں؟ جس پر سونیا حسین نے ہنستے ہوئے کہا کہ ان شاء اللہ 5 بچے چاہئیں، میں 5 بچوں کی زندگی خراب نہیں کر سکتی۔
26 نومبر احتجاج کیس ، بشریٰ بی بی کو شاملِ تفتیش کرنے کا حکم
واضح رہے کہ سونیا حسین نے پہلی شادی 2014ء میں فٹنس ٹرینر اور ماڈل واصف محمد سے کی تھی لیکن جلد ہی ان کے درمیان طلاق ہو گئی تھی، دونوں نے تاحال طلاق کی وجوہات بیان نہیں کیں۔
