اسٹیرنگ کمیٹی برائے چشمہ رائٹ بینک کنال کا دوسرا اہم اجلاس ، تفصیلات جاری کر دی گئیں

اسٹیرنگ کمیٹی برائے چشمہ رائٹ بینک کنال کا دوسرا اہم اجلاس، اجلاس کی صدارت اسپیکر قومی اسمبلی اسد قیصر کر رہے ہیں۔
اجلاس میں وفاقی وزیر دفاع پرویز خٹک اور معاون خصوصی ارباب شہزاد شریک ہیں ،اعلی حکام نے پشاور ڈی آئی خان موٹروے منصوبے پر پیش رفت پر بریفننگ دی

دیر چکدرہ موٹروے منصوبے کی تفصیلات سے آگاہ کیا گیا۔ صوبائی دارالحکومت پشاور کے لیے گریٹر سرکلر ریل منصوبے کو عملی جامہ پہنانے پر آگاہ کیا گیا، اسپیکر قومی اسمبلی نے ہدایات جاری کرتے ہوئے کہا کہ تمام متعلقہ حکام کو منصوبوں کی تکمیل کے لیے ڈیڈ لائن دے دی، منصوبوں میں کسی بھی قسم کی رکاوٹ برداشت نہیں کی جائے گی۔

اسپیکر قومی اسمبلی اسد قیصر نے منصوبوں پر کام کو تیز کرنے کی ہدایت بھی دی ، اسپیکر قومی اسمبلی اسد قیصر نے کہا کہ سی پیک منصوبوں سے صوبے میں ترقی آئے گی اور نئی راہیں کھلیں گی۔ وزیر اعظم پاکستان سی پیک کے منصوبوں کی تکمیل جلد کرنے کے لیے کوشاں ہیں۔ راشکئی منصوبے کے مکمل ہونے سے اقتصادی ترقی ہوگی اور روزگار کے مواقع پیدا ہوں گے۔