راولپنڈی:پاک فوج کوسلام : نانگاپربت ریسکیو آپریشن، پاک فوج کے پائلٹس کو فرنچ میڈلز سے نوازا گیا،اطلاعات کےمطابق سخت ترین موسمی حالات میں جان پر کھیل کر نانگاپربت میں پھنسے فرانسیسی کوہ پیما کو ریسکیو کرنے کے کارنامے پر پاک فوج کے پائلٹس کو فرنچ میڈلز سے نوازا گیا۔
https://twitter.com/BaaghiTV/status/1225067428104888325
باغی ٹی وی کےمطابق نانگاپربت میں پھنسے فرانسیسی کوہ پیما کوریسکیوکرنے کے کارنامےکودنیا بھرمیں سراہا گیا ، اسی تناظر میں پاک فوج کے شعبہ تعلقات عامہ آئی ایس پی آر کے مطابق پاک فوج کے پائلٹس کو میڈلز دینے کی تقریب آرمی میوزیم میں ہوئی جس میں چیف آف جنرل اسٹاف لیفٹیننٹ جنرل ساحر شمشاد سمیت دیگر فوجی حکام نے شرکت کی۔
https://web.facebook.com/OfficialDGISPR/posts/1840941916203254
باغی ٹی وی کے مطابق فرنچ جوائنٹ فورس بحرہند کے کمانڈر نے پائلٹس کو فرانس کے ایوارڈ سے نوازا، پاک فوج کے پائلٹس کو فرنچ نیشنل ڈیفنس برانز میڈل سےنوازا گیا۔آئی ایس پی آر کا کہنا ہے کہ پاک فوج کے پائلٹس نے فرنچ کوہ پیما مس الزبتھ کو 2018 میں نانگاپربت میں سخت ترین موسمی حالات میں ریسکیو کیا تھا۔واضح رہے کہ الزبتھ نے 7400 میٹر کی بلندی سے ریسکیو کال کی تھی جس پر ہنگامی طور پر ریسکیو آپریشن شروع کیا گیا تھا۔
