رائل پام کنٹری گالف کلب لاہوراراضی عملدرآمد کیس کی سپریم کورٹ میں سماعت ہوئی

رائل پام کنٹری گالف کلب،وزارت ریلوے نے سپریم کورٹ میں جواب جمع کروا دیا

باغی ٹی وی کی رپورٹ کے مطابق قائم مقام چیف جسٹس عظمت سعید کی سربراہی میں 2 رکنی خصوصی بنچ نے سماعت کی ،ریلوے نے ابتدائی رپورٹ سپریم کورٹ میں جمع کرا دی ،عدالت نے آڈیٹر جنرل ریلوے سے 3 روز میں تفصیلی رپورٹ طلب کرلی .

سپریم کورٹ نے رائل پام کنٹری کلب اراضی کس کے حوالے کر دی اہم فیصلہ آگیا

کمپنی کے وکیل نے کہا کہ سپریم کورٹ کے فیصلے کے خلاف نظرثانی درخواست دائر کر رکھی ہے، جس پر جسٹس عظمت سعید نے کہا کہ نظرثانی اپیل اس کیس کے ساتھ سنیں گے . وکیل نے کہا کہ پاکستان ریلوے نے کمپنی سے معاہدہ کیا تھا، جس کے بعد گالف کلب تعمیر کیا گیا،گالف کلب بننے کے بعد اسے عدالت میں چیلنج کردیا گیا تھا، 140 ایکڑکا معاہدہ تھا جبکہ 103 ایکڑ زمین لیز پردی گئی، نیلامی کی شرائط میں 33 سال لیز تھی جبکہ معاہدے میں 50 سال لکھا گیا،سپریم کورٹ نے اپنے فیصلے میں یہ معاہدہ غیرقانونی قرار دیا تھا،عدالت نے زمین از سرنو لیز پر دینے کا حکم دیا تھا.