سری لنکا نے کرکٹ ٹیم کے اسکواڈ کا اعلان کردیا گیا

کولمبو (اے پی پی) سری لنکا نے نیوزی لینڈ کے خلاف ہوم ٹی ٹونٹی سیریز کیلئے سکواڈ کا اعلان کردیا.

تفصیلات کے مطابق سری لنکا نے نیوزی لینڈ کے خلاف شیڈول ہوم ٹی ٹونٹی انٹرنیشنل کرکٹ سیریز کیلئے 15 رکنی سکواڈ کا اعلان کردیا، لاستھ مالنگا جنہوں نے حال ہی میں ون ڈے انٹرنیشنل کرکٹ کو خیرباد کہہ دیا تھا ٹی ٹونٹی ٹیم کے کپتان ہوں گے. آل راﺅنڈرز اینجلو میتھیوز اور تھسارا پریرا سمیت سرنگا لکمل اور دھنن جایا ڈی سلوا کو ڈراپ کر دیا گیا ہے۔ سری لنکا اور نیوزی لینڈ کے درمیان تین ٹی ٹونٹی انٹرنیشنل میچوں پر مشتمل سیریز کا آغاز یکم ستمبر سے ہو گا۔

اعلان کردہ سکواڈ کپتان مالنگا، اویشکا فرننڈو، کوسل پریرا، دانشکا گوناتھلیکا، کوسل مینڈس، شیہان جے سوریا، ڈاسن شناکا، وانندو ہسارنگا، لکشن سنداکن، ایسورو اودانا، کاسن راجیتھا، لاہیرو کمارا اور لاہیرو مدوشنکا پر مشتمل ہے۔