سیالکوٹ :پولیس کی کامیاب کارروائی،ڈاکوؤں کا گینگ گرفتار
![](https://baaghitv.com/wp-content/uploads/2024/08/st-dakeet-gang-jpg.webp)
سیالکوٹ ،باغی ٹی وی(بیوروچیف شاہدریاض کی رپورٹ )سیالکوٹ پولیس نے ڈکیتی اور راہزنی کی وارداتوں میں ملوث 5 رکنی ڈاکوؤں کے گینگ کو سرغنہ سمیت گرفتار کر لیا ہے۔ پولیس کے مطابق، یہ گینگ ضلع کے مختلف علاقوں میں ڈکیتیاں اور راہزنی کی واداتیں کر رہا تھا۔
ڈی پی او سیالکوٹ محمد حسن اقبال کی خصوصی ہدایات پر پولیس نے کارروائی کرتے ہوئے ڈاکوؤں کے گینگ کو گرفتار کیا۔ گرفتار ملزمان میں افضال عرف افضالی (سرغنہ)، کیف علی، بلال، معظم علی اور حسن علی شامل ہیں۔
پولیس نے ملزمان کے قبضے سے 5 لاکھ 15 ہزار روپے نقدی، 15 موٹر سائیکلیں، 6 قیمتی موبائل فونز اور 3 عدد پسٹل سمیت دیگر اسلحہ برآمد کیا ہے۔
پولیس کا کہنا ہے کہ گرفتار ملزمان سے 26 ڈکیتیوں اور راہزنیوں کا انکشاف ہوا ہے۔ پولیس ملزمان سے مزید تفتیش کر رہی ہے۔
یہ کامیابی سیالکوٹ پولیس کے لیے ایک بڑی کامیابی ہے اور اس سے علاقے میں امن و امان کی صورتحال میں بہتری آئے گی۔عوام سے اپیل ہے کہ وہ کسی بھی قسم کی مشکوک سرگرمی پر پولیس کو فوری طور پر اطلاع دیں۔