اسٹیٹ بینک نے شرح سود کم کردی

اسٹیٹ بینک نے شرح سود کم کردی

باغی ٹی وی :اسٹیٹ بینک نے شرح سود ایک فیصد کم کرکے 8فیصد مقرر کرنے کا اعلان کردیا۔اسٹیٹ بینک کی جانب سے مانیٹری پالیسی کا اعلان کیا گیا جس کے مطابق شرح سود ایک فیصد کم کرکے 8فیصد مقرر کردی گئی ہے۔ اسٹیٹ بینک کے مطابق شرح سود کم کرکے لاک ڈائون کی وجہ سے معاشی سست روی کو روکنا بھی ممکن نہیں ہوگا جبکہ شرح سود کم ہونے سے کرونا کی وبا پر کوئی اثر نہیں پڑے گا،

کرونا کی وبا کے باعث پیدا ہونے والی معاشی صورتحال مانیٹری پالیسی کے لیے چیلنج ہے۔اسٹیٹ بینک کا کہنا ہے کہ آئندہ مالی سال افراط زر 7سے 9فیصد رہنے کی توقع ہے جب کہ پیٹرولیم مصنوعات کی قیمتوں میں کمی سے افراط زر کا دبا کم ہوا ہے اور رواں مالی سال مہنگائی کی شرح 11 سے 12 فیصد رہے گی۔