کراچی: پاکستان اسٹاک ایکسچینج کا 100 انڈیکس 62 ہزار عبور کر گیا جو پی ایس ایکس کی تاریخ کی بلند ترین سطح ہے۔
باغی ٹی وی: پاکستان اسٹاک ایکسچینج میں گزشتہ کئی روز سے کاروبار کا زبردست رجحان دیکھنے میں آ رہا ہے اور رواں سال اب تک 100 انڈیکس میں 52.78 فیصد اضافہ ریکارڈ ہو چکا ہے۔
جبکہ آج کاروباری ہفتے کے پہلے روز کاروبار کے آغاز سے ہی 100 انڈیکس میں زبر دست تیزی دیکھنے میں آئی اور100 انڈیکس آج کے پہلے سیشن کے آغاز میں ہی انڈیکس 758 پوائنٹس اضافے سے 62 ہزار 499 کی بلند سطح پر پہنچ گیا ہے جو کہ جمعے کے روز 61 ہزار 691 پوائنٹس پر بند ہوا تھا۔
دوسری جانب اسٹاک مارکیٹ میں تیزی کے بعد روپے کے مقابلے ڈالر کی قیمت مزید کم ہوگئی، ملکی تبادلہ منڈیوں میں 71 پیسے کمی کے بعد ڈالر کی خرید و فروخت 284 روپے 25 پیسے میں جاری ہے۔
