سٹاک مارکیٹ میں اتار چڑھاؤ
باغی ٹی وی : پاکستان سٹاک مارکیٹ میں سیاسی افق پر چھائی غیر یقینی صورتحال کے باعث اْتار چڑھاؤ کے بعد 55.01 پوائنٹس کی تیزی ریکارڈ کی گئی۔گزشتہ دو ہفتوں کے دوران سٹاک مارکیٹ میں مندے کے باعث 100 انڈیکس 40 ہزار کی نفسیاتی حد سے محروم ہو گیا۔ منگل کے روز بھی اْتار چڑھاؤ دیکھنے کو ملا اور اختتام پر سٹاک مارکیٹ میں معمولی تیزی دیکھنے کو ملی اور انڈیکس 55.01 پوائنٹس کی تیزی کے بعد 39127.48 پوائنٹس کی سطح پر پہنچ کر بند ہوا۔ کاروبار میں 0.14 فیصد کی بہتری دیکھی گئی اور 27 کروڑ 44 لاکھ 63 ہزار 845 شیئرز کا لین دین ہوا۔