سرگودھا(نمائندہ باغی ٹی وی )محرم ڈیوٹی لگانے پر سینکڑوں لیڈی ہیلتھ ورکرز کا کمشنر آفس کے سامنے احتجاجی دھرنا، انتظامیہ کے خلاف نعرے بازی گرمی اور حبس کے باعث رضیہ بی بی اور متعدد بزرگ لیڈی ہیلتھ ورکرز بے ھوش،ریسکیو اہلکاروں نے طبی امداد کے بعد حالت غیر ھونے پر ڈی ایچ کیو ہسپتال منتقل کر دیا تفصیلا ت کے مطابق محرم الحرام میں سینکڑوں کی تعداد میں لیڈی ہیلتھ ورکرز کو جلوس کےروٹس اور مجالس پر ڈیوٹیاں لگانے کے خلاف کام چھوڑ کر ای ڈی آفس سے باہرسڑک پر نکل آئیں اور انتظامیہ کے خلاف احتجاج شروع کر دیا ،احتجاجی ریلی ڈی ایچ کیو سے کمشنر آفس تک جاری رہی لیڈی ہیلتھ ورکرز کا کہنا تھا کہ ہم پولیو ڈیوٹی بھی دیں ہوم ڈیوٹی بھی دیں فیلڈ ڈیوٹی کے ساتھ ان محرم میں جلوسوں کے ساتھ ڈیوٹی بھی دیں ہم بھی انسان ہیں کو ئی روبوٹ نہیں ہیں الیکشن ڈیوٹیاں بھی لگا دی جاتی ہیں ہم خواتین ان انتظامی امور چلانے والوں کے لئے کھلونا بنے ہوئے ہیں جب چاہیں جہاں چاہیں ڈیوٹی لگا کر بلیک میل کیا جاتا ہے احتجاج کرنے والی سینکڑوں خواتین نے پینا فلیکسیز اٹھا رکھے تھے جس پر انتظامیہ کے خلاف نعرے درج تھے متعدد لیڈی ورکرز کی گرمی اور حبس کے باعث حالت خراب ہو گئی رضیہ بی بی جو چک نمبر163شمالی سے آئی ہوئی تھی احتجاج کے دوران گرمی کی وجہ سے حالت غیر ہونے پربے ہوش ہو گئی ریسکیو اہلکاروں نے طبی امداد دیتے ہوئے ڈی ایچ کیو ہسپتال منتقل کر دیا تا حال لیڈی ہیلتھ ورکرز کے مزاکرات کیلئے کوئی افسرنہیں پہنچا‘روڈ بلاک اور گاڑیوں کی لمبی قطاریں لگنے سے شہر بھر کی ٹریفک جام رہی
Shares:
