نوجوان کی برقعہ پہن کر گرلز ہاسٹل میں‌ داخل ہونے کی کوشش، کیا سلوک ہوا؟ جانیے تفصیل میں‌

ملتان میں‌ بہاؤ الدین زکریا یونیورسٹی کے گرلز ہاسٹل سے برقع پوش طالب علم کو گرفتار کر لیا گیا ہے،

باغی ٹی وی کی رپورٹ کے مطابق ایکسپریس نیوز کی رپورٹ کے مطابق جامعہ زکریا کے مریم گرلز ہاسٹل میں دانیال نامی طالبعلم اپنی کلاس فیلو (خ) کے ساتھ برقع پہن کر داخل ہوا تاہم وہاں موجوس سیکیورٹی اہلکاروں کو اس کی حرکات و سکنات مشکوک لگیں تو انہوں نے ہاسٹل کی بلڈنگ میں جا کر دانیال کو پکڑ لیا اور جب اس کا برقع اتروایا گیا تو ساری حقیقت کھل کر واضح ہو گئی،

سیکیورٹی اہلکاروں نے بعد ازاں اس واقعہ کی گرلز ہاسٹل کی وارڈن اور ریذیڈنٹ آفیسر کو آگاہ کیا جس پر دانیال نامی مذکورہ طالب علم کو مقامی تھانہ کے حوالے کر دیا گیا ہے، تھانہ الپہ پولیس کا کہنا ہے کہ اس نے گرفتار ملزم کے خلاف دفعہ 420 کے تحت مقدمہ درج کر لیا گیا ہے، ایکسپریس کی رپورٹ میں بتایا گیا ہے کہ دانیال کی دوست لڑکی نے اپنی غلطی تسلیم کر لی ہے اور تحریری طور پر وارڈن اور یونیورسٹی انتظامیہ سے معافی بھی مانگ لی ہے، واضح‌ رہے کہ اس سے قبل بھی متعدد مرتبہ لڑکوں کی طرف سے برقعہ پہن کر لڑکیوں سے ملنے کی کوشش کرنے کے واقعات پیش آتے رہے ہیں تاہم ایسی حرکت کرنے والے ہمیشہ پکڑے جاتے رہے ہیں،