صبح ہی پتہ چل گیا تھا کہ ہمیں کتنے ووٹ ملیں گے؟ راجہ ظفر الحق

سینیٹ میں قائد حزب اختلاف راجہ ظفرالحق نے کہا ہے کہ افسوسناک ہوا جو بھی ہوا ،

باغی ٹی وی کی رپورٹ کے مطابق انہوں نے کہاکہ ہمیں اندازہ ہے کس نے ووٹ نہیں دیے، صبح ہی پتا چل گیا تھا کہ ہمیں کتنے ووٹ ملیں گے،

راجہ ظفر الحق نے کہا کہ جو فورسزچیئرمین سینیٹ کوبچانا چاہتی تھیں وہ کامیاب ہوگئیں، واضح‌ رہے کہ چیئرمین سینیٹ کے خلاف اپوزیشن کی تحریک عدم اعتماد ناکام ہو چکی ہے، پولنگ کا عمل مکمل ہوا، اور تحریک عدم ناکام ہوئی ،صادق سنجرانی عہدہ بچانے میں کامیاب ہو گئے ہیں، پانچ ووٹ مسترد ہوئے، اپوزیشن کو 53 ووٹ درکار تھے ،

باغی ٹی وی کی رپورٹ کے مطابق صادق سنجرانی کے کامیاب ہونے پر حکومتی اتحاد نے صادق سنجرانی کے حق میں نعرے بازی کی.

سینیٹ کا اجلاس بیرسٹر سیف کی‌صدارت میں ہوا، راجہ ظفر الحق نے چیئرمین سینیٹ کو ہٹانے کی تحریک پیش کی،تحریک کےحق میں اپوزیشن ارکان اپنے بنچز سے کھڑے ہوگئے ، اپوزیشن کے 64 اراکین نے کھڑے ہو کر تحریک کی حمایت کی ،تحریک عدم اعتماد کی اجازت کےلیے 26 ارکان کی ضرورت تھی .

اجلاس میں 100 اراکین موجود رہے، جماعت اسلامی کے دو راکین اجلاس سے غیر حاضر رہے، د واراکین مسلم لیگ ن کے بھی غیر حاضر ہیں، ووٹنگ کا طریقہ خفیہ رکھا گیا . حروف تہجی کے اعتبار سے پہلا ووٹ مسلم لیگ ن کے سینیٹر حافظ عبد الکریم نے کاسٹ کیا ،اسحاق ڈار نے ابھی تک سینیٹ کے ممبر کی حیثیت سے حلف نہیں اٹھایا .