سوڈان سے 2003ءمیں حج کو جانے والاطیارہ تباہ ہو گیا تھا۔ طیارے میں 117مسافر سوار تھے۔ تمام کے تمام اپنی جان سے ہاتھ دھوبیٹھے۔ صرف ایک شیرخوار بچہ ہی بچ سکا تھا۔
بچ جانے والے بچے کا نام محمد الفاتح عثمان تھا۔ یہ طیارے میں واحد مسافر تھا جو زندہ بچا تھا۔
بچے کا والد اس وقت سعودی عرب میں کام کر رہا تھا۔ جب اسے طیارے کے حادثے کی خبر ملی تووہ شاکڈ ہو گیا۔ یہ ایک معجزہ ہی تھا کہ پورے طیارے میں سے ایک بچہ بچ گیا ۔
محمد الفاتح اس سال حج کر رہا ہے۔ وہ آئی ٹی میں تعلیم حاصل کر رہا ہے۔
بچے کے والد نے کہا کہ میں اللہ تعالیٰ کا شکر گزار ہو ں کہ میں اپنے بیٹے کے ساتھ اس برس حج کی سعادت حاصل کر رہا ہوں۔
