سوڈان اور اریٹیریا نے پیر کو فوجی اور سیکیورٹی کے شعبوں میں تعاون پر اتفاق کیا ہے۔
سوڈان پر عاید پابندیاں اٹھانے کے لیے امریکا سے مذاکرات کررہے ہیں: سوڈانی وزیر اعظم
اریٹرین کے صدر عیسیاس افورکی کاسوڈان کا تین روزہ سرکاری دورہ پیر کے روز اختتام پذیر ہو گیا۔
سوڈان کی وزیر خارجہ عاصمہ محمد عبد اللہ نے دونوں ممالک کے مابین متعدد شعبوں میں تعاون سے متعلق معاہدے کے بارے میں بتایا۔
وزیرخارجہ نے کہا کہ” سوڈان اور اریٹیریا نے مندرجہ ذیل شعبوں میں تعاون پر اتفاق کیا ہے۔ دفاعی اور فوجی شعبوں میں تعاون ، جن میں زمینی افواج ، فضائیہ ، سمندری افواج ، دفاعی صنعتیں ، تربیت اور طبی خدمات شامل ہیں ۔“
بیان میں مزید کہا گیا ہے کہ دونوں ممالک نے سلامتی کے شعبوں میں تعاون پر بھی اتفاق کیا ہے ، بشمول معلومات کا تبادلہ ، صلاحیت پیدا کرنا اور سرحد پار سے منظم جرائم کا مقابلہ کرنا۔
