لاہور: محکمہ موسمیات نے ملک کے مختلف علاقو ں میں آج سے 24 ستمبر بروز اتوار تک موسلا دھار بارش کی پیشگوئی کردی ہے۔
باغی ٹی وی: محکمہ موسمیات کے اعلامیے کے مطابق ملک کے مختلف شہروں میں 22 سے 24 ستمبر تک بارشوں کا امکان ہے ملک کے بالائی علاقوں میں مغربی ہوائیں داخل ہو گئی ہیں، ان سے سندھ میں کراچی، حیدرآباد سمیت مختلف علاقوں میں آندھی اورموسلادھار بارشوں کا امکان ہے۔
محکمہ موسمیات کے مطابق ان تین دنوں میں سبی، قلات، لسبیلہ،کشمیر، گلگت بلتستان، اسلام آباد میں بھی بارش ہوگی، نشیبی علاقوں کے زیرآب آنے اور آندھی سے کمزور انفراسٹرکچر کو نقصان پہنچنے کا امکان ہے محکمہ موسمیات نے تمام متعلقہ اداروں کو الرٹ رہنے کی ہدایات جاری کر د ی ہیں۔
ہردیپ سنگھ نجر قتل،بھارت پر الزامات پرامریکا اور کنیڈا کے درمیان کوئی کشیدگی نہیں
محکمہ موسمیات کی جانب سے تیز بارشوں کے باعث سجاول، عمرکوٹ اور تھرپارکر سمیت بعض نشیبی علاقے زیر آب آنے کا خدشہ ظاہر کردیا گیا ہےبارشوں کے باعث مری، گلیات، کشمیر اور ہزارہ ڈویژن میں لینڈ سلائیڈنگ کا خطرہ ہے۔
واضح رہے کہ آج راولپنڈی اسلام آباد میں بارش کا سلسلہ شروع ہو چکا ہے، ایم ڈی واسا کے مطابق جڑواں شہروں میں مجموعی طور پر30ملی میٹر بارش ریکارڈ کی گئی ایم ڈی واسا کے مطابق نشیبی علاقوں میں واسا کاعملہ مشینری کے ساتھ تعینات کر دیا گیا ہے،ان کا کہنا تھا کہ نالہ لئی میں پانی کابہاؤمعمول کے مطابق ہے۔