سنیل شیٹی کو کس چیز کا خوف ہے؟‌

بالی وڈ اداکار سنیل شیٹی نے کہا ہے کہ میں سوشل میڈیا کی طاقت سے بہت خوفزدہ ہوں اور میں تو کوئی بات کہنے سے بھی ڈرتا ہوں کیونکہ آپ کی کہی ہوئی ایک ہی بات کو 15 مختلف طریقوں سے ایسے سوشل میڈیا پر ڈالا جاتا ہے ، آپ حیران رہ جاتے ہیں. اس لئے میری کوشش ہوتی ہے کہ میں کچھ بھی نہ کہوں. یہ سوشل میڈیا کا دور ہے ، آپ کی کہی ہوئی بات کو اگر تروڑ مروڑ کر پیش کیا جائیگا تو آپ کی زندگی تباہ ہو جائیگی ، انہوں نے کہا کہ اگر کسی کو میری فیملی سے اختلاف ہو گا تو وہ میری فیملی کو گالیاں دے گا میری بیٹی کو گندے القابات دے گا ، میری

ماں کو گالیاں دے گا. اسلئے بہت ضروری ہے کہ سوچ سمجھ کربات کی جائے ، سوشل میڈیا کو ہم شاید بہت اچھی طرح نہیں سمجھتے کیونکہ ہم زرا پرانے دور کے لوگ ہیں‌لیکن اسکا مطلب یہ نہیں ہے کہ ہمیں سزا دی جائے. یاد رہے کہ سوشل میڈیا کا جب سےدور آیا ہے ہر طرف گوسپس کی ایک ہلچل مچی ہوئی ہے ، ہر روز کوئی نہ کوئی کسی نہ کسی کی ایک نئی کہانی سامنے آتی ہے جو کہ یقینا بے مقصد ہوتی ہے. یہی وجہ ہے کہ سنیل شیٹی بھی ڈرنے لگے ہیں.