انتخابات ملتوی کرنے کا کیس: سپریم کورٹ نے سماعت کا تحریری حکمنامہ جاری کر دیا

اسلام آباد: سپریم کورٹ نے انتخابات ملتوی کرنے کے خلاف پی ٹی آئی کی درخواست پر 27 مارچ کی سماعت کا تحریری حکمنامے میں کہا ہے کہ آئین کے تحت عام انتخابات وقت پر ہونا لازم ہیں-

باغی ٹی وی: 3 صفحات پر مشتمل حکم نامہ چیف جسٹس پاکستان عمر عطاء بندیال نے تحریر کیا ہے عدالتی حکم نامےمیں کہاگیا ہے کہ آئین کےتحت عام انتخابات وقت پرہونا لازم ہیں، بروقت عام انتخابات کا ایمانداری، منصفانہ اورقانون کےمطابق انعقاد جمہوریت کےلیے ضروری ہے-

انتخابات ملتوی کرنےکامعاملہ،الیکشن کمیشن ،گورنر پنجاب اورکے پی کو نوٹس جاری

سپریم کورٹ کے تحریری حکم نامے میں کہا گیا ہے کہ درخواست گزار کے مطابق الیکشن کمیشن نے صدر مملکت کی انتخابات کی تاریخ منسوخ کی الیکشن کمیشن صدرکی تاریخ منسوخ کرنے کا اختیار نہیں رکھتا،الیکشن کمیشن نے انتخابات ملتوی کرکے آرٹیکل 254 کے پیچھے پناہ لی عدالتی نظائرمیں آرٹیکل 254 کسی عمل کا مقررہ وقت گزرنے کے بعد اس کو غیر مؤثر ہونے سے تحفظ دیتا ہے، آرٹیکل254 مقررہ وقت پر ہونے والے عمل میں التوا کا تحفظ نہیں دیتا-

عمران خان کیخلاف ملک بھرمیں مقدمات کی تفصیلات جاری،پارٹی کے دعوے غلط ثابت

حکم نامے میں کہا گیا ہےکہ درخواست گزار کے مطابق 8 اکتوبر تک انتخابات ملتوی کرنے کی کوئی آئینی پشت پناہی نہیں سپریم کورٹ نے تمام فریقین کو نوٹسز جاری کردیئے، الیکشن کمیشن سے کہا گیا ہے کہ وہ الیکشن کمیشن درخواست میں اٹھائے گئے قانونی سوالات پر جواب دے کیس کی مزید سماعت آج دن ساڑھے11 بجے ہوگی۔