سپریم کورٹ سو موٹو نوٹس لے کر پنجاب کو کرپشن سے بچائے، وزیر داخلہ

باغی ٹی وی کی رپورٹ کے مطابق ن لیگ نے گزشتہ روز کے لاہور ہائیکورٹ کے فیصلے کو سپریم کورٹ میں چیلنج کرنے کا عندیہ دیا ہے، لاہور میں ن لیگ کے اہم اجلاس کے بعد ن لیگی رہنماؤں وفاقی وزرا نے پریس کانفرنس کی ہے جس میں انکا کہنا ہے کہ امکان ہے کہ فیصلے کو ہم قانونی فورم پر چیلنج کریں،آئین یہی کہتا ہے کہ جس کے پاس اکثریت ہے وہ حکومت کرے

وزیر داخلہ رانا ثناء اللہ کا کہنا تھا کہ اسمبلیاں کسی کی انا اور ضد میں توڑنے کی بات کی جارہی ہے،اسمبلیاں آئینی ادارے ہیں، ان کے ساتھ مذاق نہیں ہونی چاہیے گورنر نے اپنا آئینی حق استعمال کیا،پرویزالہٰی نے اعتماد کا ووٹ نہیں لیا، لاہورہائی کورٹ نے فیصلہ کیا ،کبھی ایسے نہیں ہوتا کہ انٹیرم ریلیف میں الٹی میٹ ریلیف دے دیں، 18دن میں ایک ایک دن پنجاب کے خزانے پر بھاری گزرے گا، کرپشن کا بازار گرم ہو گا،ہارس ٹریڈنگ کا خدشہ ہوگا،ہمارا مطالبہ ہے کہ عدالت عظمی ٰکو نوٹس لینا چاہیے، سپریم کورٹ سو موٹو نوٹس لے کر پنجاب کو کرپشن سے بچائیں، حکم امتناعی پر ان کو مکمل اختیار دینا ظلم کے مترادف ہے،اگر بندے پورے ہیں تو اعتماد کا ووٹ لے لیں،خیبرپختونخوا اسمبلی کیوں نہیں توڑی یہ ملک دشمن ایجنڈے پر گامزن ہیں، قومی اسمبلی میں استعفے دینے کیلئے پیش کیوں نہیں ہوئے؟

وفاقی وزیر داخلہ رانا ثناء اللہ کا مزید کہنا تھا کہ پی ڈی ایم نے ملک کے مفاد میں بڑا فیصلہ کیا، ہم نے ملک کو سنبھالااتحادی حکومت نے ملک کو ڈیفالٹ ہونے سے بچایا ہے، وزیراعظم دن رات ملک کیلئے محنت کررہے ہیں،عدالت عالیہ اور عظمیٰ سے مطالبہ ہے کہ سو موٹو ایکشن لیا جائے، عدالت کرپشن اور لوٹ مار پر روک لگائیں، عوام کو اس کا ادراک اور شناخت کرنا چاہیے،ہمیں الیکشن کا کوئی خوف نہیں، وہ اپنے وقت پر ہوگا، ہم نے پنجاب میں الیکشن کی تحریک شروع کر دی ہے، پہلے یہ اعتماد کاووٹ لیں،پھراسمبلیاں توڑے اور میدان میں آئیں، یہ اپنے لوگوں کو2،2 ارب روپے کی آفر کررہے ہیں، خیبرپختونخوا میں امن و امان کی بدترین صورتحال ہے،

پنجاب حکومت کو اسٹے آرڈر کے پیچھے چھپنے نہیں دیں گے،خواجہ سعد رفیق
وفاقی وزیر ریلوے خواجہ سعد رفیق کا کہنا تھا کہ عمران خان اور ان کے ساتھی اسمبلیوں کی تحلیل چاہتے ہیں،گورنر نے وزیراعلیٰ کو اعتماد کا ووٹ لینے کو کہا مگر انہوں نے نہیں لیا،وزیراعلیٰ نے گورنر کےنوٹیفکیشن کو لاہور ہائیکورٹ میں چیلنج کیا،گزشتہ روز کے لاہورہائیکورٹ کے فیصلے میں قانونی خلا موجود ہے،پرویز الہٰی کو عدالت نے سویٹ آپشن دیا کہ اگر چاہے تو ووٹ لیں ،اسمبلیاں بچوں کا کھیل نہیں ،جب چاہے بنادیا اور چاہا تو توڑ دیا پنجاب حکومت کو اسٹے آرڈر کے پیچھے چھپنے نہیں دیں گے خیبر پخونخوا اسمبلی بھی توڑی جاسکتی تھی لیکن سارے خرچے کون اٹھائے گا،جب بھی ہم کام کرنے لگتے ہیں عمران خان رکاوٹیں ڈالنا شروع کرتے ہیں ،گورنرکے نوٹیفکیشن کو ڈی نوٹیفائی کرنے کے معاملے پر سپریم کورٹ جانے پر غورکررہے ہیں،عمران خان چاہتے ہیں کہ اسٹیبلشمینٹ سیاست میں ملوث ہوگزشتہ روز عمران خان نے اسٹیبلشمینٹ کو سیاسی مداخلت کےلیے دعوت دی ادارے کہہ چکے ہیں کہ وہ سیاست میں مداخلت نہیں کریں گے،

خواجہ سعد رفیق کا کہنا تھا کہ جب ہم نے حکومت سنبھالی تو ملک دیوالیہ ہونے کے دہانے پر تھا،شوکت ترین نے آئی ایم ایف کے ساتھ معاہدے کو سبوتاژ کرنے کی کوشش کی پی ڈی ایم کا مؤقف ہے کہ الیکشن اپنے وقت پر ہونے چاہئیں،ہم آئینی تبدیلی کے بعد حکومت میں آئے تھے،عدالت کے گزشتہ روز کے فیصلے میں سقم موجود ہیں،پرویزالہٰی کے پاس نمبرز پورے نہیں ہیں امکان ہے کہ فیصلے کو ہم قانونی فورم پر چیلنج کریں،آئین یہی کہتا ہے کہ جس کے پاس اکثریت ہے وہ حکومت کرے آج یا 18رہ دن بعد اعتماد کا ووٹ لینا پڑے گا،ہم وفاق میں ہیں مگرکسی کو ڈسٹرب نہیں کیا،عمران خان کی صوبوں کی میں حکومت ہےعوام کی خدمت کریں،صوبائی اسمبلیاں توڑنا ہوتیں تو آغاز کے پی کے سے ہوسکتا تھا،

پی ٹی اراکین بھی نہیں چاہتے کہ ایک سال پہلے اسمبلی ٹوٹے،طارق بشیر چیمہ
ق لیگی رہنما طارق بشیر چیمہ کا کہنا تھا کہ پی ٹی اراکین بھی نہیں چاہتے کہ ایک سال پہلے اسمبلی ٹوٹے،ق لیگ کے 10 اراکین میں سے ایک چودھری پرویزالہٰی ہیں،اعتماد کے ووٹ کے دن پتہ چلے گا کتنے لوگ چودھری شجاعت اور کتنے پرویز الہٰی کیساتھ ہیں

:گورنرپنجاب نے وزیراعلیٰ پنجاب کوڈی نوٹیفائی کردیا

خواجہ سرا کے روٹھنے پر خود کو آگ لگانے والا پریمی ہسپتال منتقل

آڈیو لیکس، عمران خان گھبرا گئے،زمان پارک میں جاسوسی آلات نصب ہونے کا ڈر، خصوصی سرچ آپریشن

عمران خان کی جاسوسی، آلات برآمد،کس کا کارنامہ؟

لاہور میں خواجہ سرا کو قتل کر دیا گیا

اعتماد کا ووٹ نہ لینے سے جنوری میں پنجاب سے پی ٹی آئی حکومت ختم ہو جائے گی