لاہور:پولیس نے تہرے قتل کے مرکزی ملزم کو گرفتار کر لیا۔

باغی ٹی وی :تہرے قتل کا مرکزی ملزم شاہ زیب عرف باؤ گجر مغلپورہ پولیس کے شکنجے میں آگیا ایس پی سول لائنز رضا صفدر کاظمی کی قیادت میں مغلپورہ پولیس نے کارروائی کرتے ہوئے ملزم کو گرفتار کیا شاہ زیب نے رواں ماہ 15 نومبرکو قبل سسر حامد شاہ اور 2 سالوں فاروق شاہ عمر 27 سال اور 23 سالہ شاہ رخ عمرکو قتل کیا تھا-

ایس پی رضا صفدر کاظمی کے مطابق مرکزی ملزم شاہ زیب عرف باؤ گجر کا اپنی بیوی کے ساتھ گھریلو تنازعہ چل رہا تھا، جس پر اس نے سسر اور دو سالوں کا قتل کیا تھا۔ ایس پی رضا صفدر کاظمی نے کہا کہ شہریوں کے جان و مال کا تحفظ اولین ترجیح ہے۔

داماد نے فائرنگ سے سسر اور 2 سالوں کو قتل کر دیا

مقتولین کا تعلق شالیمار لنک روڈ پر رام گڑھ بازار سے ہے مقتولین میں 50 سالہ سید حامد، 25 سالہ فرخ شاہ اور شاہ رخ شامل ہیں پولیس کا کہنا تھا کہ واقعہ دیرینہ دشمنی اور گھریلو ناچاقی کا شاخسانہ ہے واردات کی سی سی ٹی وی فوٹیج کے مطابق ں ملزم شاہزیب کو مقتولین کے گھر کی طرف جاتے دیکھا جاسکتا ہے۔ سسر اور دو برادر نسبتی کو قتل کرنے کے بعد ملزم دوڑ کر فرار ہو رہا ہے۔ ملزم نے اکیلے پیدل آ کر فائرنگ کی اور موقع سے فرار ہوگیا تھا تاہم اب پولیس نے کاروائی کرتے ہوئے ملزم کو گرفتار کر لیا ہے-