بھارتی فلم انڈسٹری کی ماضی کی معروف اداکارہ اور مس ورلڈ سشمیتا سین کی بیٹی کا انسٹاگرام اکاؤنٹ ہیک ہو گیا۔
باغی ٹی وی : اپنے انسٹاگرام اکاؤنٹ پر سشمیتا سین نے اپنی بیٹی رینی سین کے ہیک شدہ اکاؤنٹ کی تصویر پوسٹ کرتے ہوئے مداحوں کو اس واقعے سے آگاہ کیا۔
انہوں نے ساتھ میں یہ بھی کہا کہ برائے مہربانی نوٹ فرمالیں میری بیٹی رینی کا انسٹاگرام اکاؤنٹ کسی بے وقوف نے ہیک کرلیا ہے جسے ابھی تک یہ بھی معلوم نہیں ہوسکا ہے کہ رینی نے نیا اکاؤنٹ بنالیا ہے اور بہت خوش ہے۔
اداکارہ کی اس پوسٹ پر صارفین مشورہ دیا ہے کہ وہ اس معاملے کی پولیس کو کمپلین کریں جبکہ انسٹاگرام کو بھی اس حوالے سے آگاہ کریں-
دوسری جانب ہیکرز کی جانب سے رینی سین کے اکاؤنٹ کو پرائیویٹ کردیا گیا ہے اور فالوورز کو بھی ان فالو کردیا گیا ہے۔
خیال رہے کہ 20 سالہ رینی سین بھی اپنی والدہ کی طرح فلم انڈسٹری میں پہچان بنانا چاہتی ہیں اور جلد ہی وہ شارٹ فلم ‘سُٹا بازی میں نظر آئیں گی۔
