سوات:دل دہلا دینے والا حادثہ،بارات میں شامل گاڑی کھائی میں جا گری، 6 افراد جاں بحق
![](https://baaghitv.com/wp-content/uploads/2024/08/swat-accident-jpg.webp)
سوات (باغی ٹی وی): سوات میں ایک دل دہلا دینے والے حادثے میں بارات میں شامل ایک گاڑی گہری کھائی میں گر گئی جس کے نتیجے میں خواتین اور بچوں سمیت 6 افراد جاں بحق ہو گئے۔
پولیس کے مطابق یہ حادثہ چپریال کے علاقے میں پیش آیا۔ بارات میں شامل گاڑی ڈرائیور سے بے قابو ہو کر گہری کھائی میں جا گری۔ حادثے میں تین خواتین اور دو بچے جاں بحق ہو گئے جبکہ متعدد افراد زخمی بھی ہوئے۔ زخمیوں کو فوری طبی امداد کے لیے قریبی اسپتال منتقل کر دیا گیا ہے۔
حادثے کا شکار گاڑی مٹہ سے چپریال جا رہی تھی۔ پولیس نے واقعے کی تحقیقات شروع کر دی ہیں۔