فیلڈ مارشل سید عاصم منیر پاک فوج کے سینئر ترین افسر ہیں، جنہوں نے پیشہ ورانہ زندگی میں کئی اہم اور حساس عہدوں پر ذمہ داریاں نبھاتے ہوئے نمایاں خدمات سرانجام دی ہیں۔
باغی ٹی وی کے مطابق 20 مئی 2025 کو وفاقی کابینہ نے انہیں پاکستان کی عسکری تاریخ کا دوسرا فیلڈ مارشل مقرر کرنے کی منظوری دی، جو کہ اُن کی غیر معمولی عسکری خدمات کا اعتراف ہے۔جنرل عاصم منیر نے آفیسرز ٹریننگ اسکول (OTS) منگلا سے عسکری تربیت مکمل کی، جہاں انہیں شاندار کارکردگی پر اعزازی شمشیر سے نوازا گیا۔ بعد ازاں، انہوں نے فرنٹیئر فورس رجمنٹ میں کمیشن حاصل کیا۔
اہم عہدے اور عسکری خدمات
فیلڈ مارشل سید عاصم منیر کا عسکری کیریئر متعدد اہم اور حساس ذمہ داریوں پر محیط ہے، جن میں شامل ہیں:
کمانڈر فورس کمانڈ ناردرن ایریاز (2014)
ڈائریکٹر جنرل ملٹری انٹیلیجنس (ڈی جی ایم آئی) (2017)
ڈائریکٹر جنرل انٹرسروسز انٹیلیجنس (ڈی جی آئی ایس آئی) (اکتوبر 2018)
کور کمانڈر گوجرانوالہ (جون 2019)
کوارٹر ماسٹر جنرل، جی ایچ کیو (اکتوبر 2021 تا نومبر 2022)
آرمی چیف کی تقرری
29 نومبر 2022 کو وزیراعظم شہباز شریف نے سینئر ترین لیفٹیننٹ جنرل سید عاصم منیر کو پاکستان آرمی کے 17ویں چیف آف آرمی اسٹاف تعینات کیا، جس کی توثیق صدر مملکت ڈاکٹر عارف علوی نے آئین کے آرٹیکل 243 کے تحت کی۔ انہوں نے سابق آرمی چیف جنرل قمر جاوید باجوہ سے کمانڈ سنبھالی۔
فیلڈ مارشل کا اعزاز
20 مئی 2025 کو وفاقی کابینہ نے معرکہ حق "آپریشن بنیان مرصوص” کی اعلیٰ قیادت اور دشمن کو شکست دینے کی حکمتِ عملی پر جنرل عاصم منیر کو فائیو اسٹار رینک یعنی فیلڈ مارشل کے عہدے پر ترقی دینے کی منظوری دی۔ یہ عہدہ پاک فوج کا سب سے بلند عسکری رینک ہے، جو اس سے قبل صرف ایک بار، ایوب خان کو 1959 میں دیا گیا تھا۔
دیگر امتیازات
جنرل عاصم منیر حافظِ قرآن ہیں۔وہ پاک فوج کے چند انٹیلیجنس اور کمانڈ دونوں شعبوں میں متوازن تجربہ رکھنے والے افسران میں شمار ہوتے ہیں۔
افغانستان اور بھارت ٹرانزٹ ٹریڈ دوبارہ فعال، واہگہ بارڈر سے درجنوں ٹرک بھارت روانہ
مورو واقعہ: سندھ بھر میں کشیدگی، قومی شاہراہ بند، مظاہرے اور پرتشدد واقعات
چین کا امن کی کوششوں کی حمایت ، پاکستان کی خودمختاری میں ساتھ دینے کا اعادہ
ایئر چیف کی مدتِ ملازمت میں توسیع، شہداء و غازیوں کو اعزازات دینے کا فیصلہ
عاصم منیر کی فیلڈ مارشل کے عہدے پر ترقی، مبارکبادوں کا سلسلہ جاری