معروف فلم میکر سید نور نے اپنے حالیہ انٹرویو میں‌کہا ہے کہ فلم انڈسٹری کی بحالی میں ابھی بہت وقت درکار ہے، جس طرح سے کام ہو رہا ہے ٹھیک ہے لوگ کبھی کبھی سینما گھروں میں آجاتے ہیں لیکن مسلسل وہ سینما گھروں کا رخ نہیں کرتے. انہوں نے کہا کہ وقت تبدیل ہو چکا ہے ، وقت کے تقاضے بھی تبدیل ہو چکے ہیں‌، لوگ اپنے اپنے موبائلز کی حد تک محدود ہو چکے ہیں، ان کو موبائل کی دنیا سے نکال کر سینما گھروں تک لانے کےلئے بہت محنت درکار ہے.

ہمیں‌ایسی فلمیں بنانا ہوں گی جن کو دیکھنے کےلئے نوجوان نسل موبائل کی دنیا سے باہر نکلے اور سینما گھروں تک آئے اس کےلئے ہمیں بہت محنت کرنا ہو گی. سید نور نے کہا کہ ”ہم سب کو اس وقت بے حد محنت کرنے کی ضرورت ہے”. انہوں نے کہا کہ عوام کے مزاج کو سمجھنا اس وقت بہت مشکل ہے ان کو کیا چیز پسند آئیگی کیا نہیں اسکا فی الوقت اندازہ لگانا مشکل ہے، اس لئے بہت ضروری ہے کہ تجرباتی فلمیں بنائی جائیں. یاد رہے کہ سید نور کا بیٹا شازل ان کے ساتھ کام کررہا ہے اور کام سیکھ رہا ہے. سید نور کا کہنا ہے کہ میرا بیٹا بہت محنتی ہے.

اننیا پانڈے پائلٹ بننا چاہتی تھیں ؟‌

سعیدہ امتیاز چرچ کیوں گئیں ؟‌ اداکارہ نے بتا دیا

عثمان مختار کی سلور واپسی