ٹی 20 ورلڈکپ، انگلینڈ نے افغانستان کو 5 وکٹوں سے ہرا دیا

لاہور:ٹی 20 ورلڈکپ کے 14 ویں میچ میں انگلینڈ نے افغانستان کو پانچ وکٹوں سے شکست دیدی۔

افغانستان نے پہلے کھیلتے ہوئے 112 رنز بنائے ، ابراہیم زدران 32 اور عثمان غنی 30 سکور کے ساتھ نمایاں رہے، دیگر کھلاڑیوں میں حضرت اللہ زازائی 7، رحمان اللہ گُرباز 10، نجیب اللہ زدران 13، محمد نبی 3 ، عظمت اللہ عمرزئی 8 ، راشد خان 0، مجیب الرحمان 0، فضل حق فاروقی 0 پر آؤٹ ہوئے۔

سام کرن نے 10 رنز کے عوض پانچ شکار کیے۔ مارک ووڈ اور بین سٹوکس کے حصے میں 2.2 وکٹیں آئیں۔

انگلینڈ نے ہدف 5 وکٹوں کے نقصان پر پورا کر لیا، لیام لونگسٹون 29 رنز بنا کر ٹاپ سکورر رہے، جوز بٹلر 18، الیکس ہیلز 19، ڈیوڈ مالان 18، بین سٹوکس 2، ہیری بروک 7 سکور بنا سکے، فضل حق فاروقی، مجیب الرحمان، راشد خان، فرید احمد، محمد نبی نے ایک ایک وکٹ حاصل کی۔

ادھر دوسرے میچ میں ٹی ٹوئنٹی ورلڈ کپ میں نیوزی لینڈ نے آسٹریلیا کو 89 رنز سے ہرا دیا۔ٹی 20 ورلڈ کے سپر 12 مرحلے کے پہلے میچ میں آسٹریلیا نے ٹاس جیت کر پہلے فیلڈنگ کا انتخاب کیا لیکن یہ فیصلہ کینگروز کے لئے سود مند ثابت نہ ہوا۔

کیوی بیٹرز کسی کینگرو بولر کو خاطر میں نہ لائے اور مقررہ 20 اوورز میں 3 وکٹوں کے نقصان پر 200 رنز بناڈالے۔فن ایلن نے 16 گیندوں پر 42، ڈیون کانوے نے 58 گیندوں پر 92 ، جیمز نیشم نے 13 گیندوں پر 26 رنز کی برق رفتار اننگز کھیلی۔

201 رنز کے ہدف کے تعاقب میں آسٹریلیا کے بلے باز مکمل ناکام رہے۔68 رنز کے مجموعی اسکور پر آدھی ٹیم میدان بدر ہوچکی تھی۔
آسٹریلیا کی پوری ٹیم 18ویں اوور میں 11 رنز پر آؤٹ ہوگئی۔آسٹریلیا کی جانب سے سب سے زیادہ رنز گلین میکسویل نے بنائے ، انہوں نے 28 رنز کی اننگز کھیلی۔

ٹم ساؤتھی اور مچل سینٹنر نے 3،3 ٹرینٹ بولٹ نے 2 جب کہ لوکی فرگوسن اور اس سودھی نے ایک ایک وکٹ لی۔