باغی ٹی وی کی رپورٹ کے مطابق مسلم لیگ ن کی ترجمان مریم اورنگزیب نے وزیراعظم عمران خان کے خطاب پر ردعمل میں کہا کہ
عمران صاحب تبدیلی تو نہ آئی، کم ازکم تقریر ہی تبدیل کرلیں ،عمران صاحب کنٹینر والی تقریر حکومت میں ایک سال مکمل ہونے کے بعد نہیں چلے گی ،

مریم اورنگزیب نے مزید کہا کہ عمران صاحب تقاریر میں تعلیم کی اہمیت کا حوالہ اور ایک سال میں تعلیم کا بجٹ آدھا کر دیا ،تقریر تھی تعلیم عام ہوگی، عمل یہ ہے کہ آج یونیورسٹیاں بنکوں سے قرض لینے پر مجبور ہیں ،تقریر تھی کہ آئی ایم ایف کے پاس نہیں جاوں گا لیکن ملک آئی ایم ایف میں گروی رکھ دیا

مسلمانوں نے تلوار نہیں،علم سے ترقی کی، وزیراعظم

مریم اورنگزیب نے مزید کہا کہ تقریر تھی صحت کا بجٹ بڑھائیں گے،عمل یہ ہے کہ صحت کا بجٹ نصف کردیا ،تقریر تھی کہ سچ بولوں گا، عمل یہ ہے کہ الیکشن کمشن کو کہتے ہیں فارن فنڈنگ کیس خفیہ رکھیں ،تقریر تھی بھیک نہیں مانگوں گا، عمل یہ ہے کہ پوری دنیا میں ملک کو بھکاری بنادیا ،تقریر تھی قرض نہیں لوں گا، عمل یہ ہے کہ ایک سال میں گیارہ ہزار ارب ریکارڈ قرض لے لیا،تقریر تھی بجلی، گیس سستی کروں گا، عمل 200 فیصد گیس، 30 فیصد بجلی مہنگی کر دی،تقریر تھی طاقتور کو قانون کے نیچے لائیں گے، عمل علیمہ باجی، جہانگیر ترین کی منی لانڈرنگ معاف ہو گئی.

مریم اورنگزیب نے مزید کہا کہ تقریر پچاس لاکھ گھر بناوں گا، عمل غریبوں کا کھوکھا، گھر، دکان گرادو،تقریر ایک کروڑ نوکریاں دوں گا، عمل لاکھوں لوگ بیروزگار کر دیے،عمران صاحب اب محض کنٹینر کی تقاریر سے عوام کو دھوکہ نہیں دے سکتے ہیں؟