تحفظ اسلام بنیاد ایکٹ پاس کرنے پر سردار عثمان بزدار، چوہدری پرویز الٰہی اور تمام اراکین اسمبلی مبارکباد کے مستحق ہیں، فیاض الحسن چوہان

تحفظ اسلام بنیاد ایکٹ پاس کرنے پر سردار عثمان بزدار، چوہدری پرویز الٰہی اور تمام اراکین اسمبلی مبارکباد کے مستحق ہیں، فیاض الحسن چوہان

وزیرِ اطلاعات پنجاب فیاض الحسن چوہان نے کہا ہے کہ تحفظ اسلام بنیاد ایکٹ پاس کرنے پر سردار عثمان بزدار، چوہدری پرویز الٰہی اور تمام اراکین اسمبلی مبارکباد کے مستحق ہیں

پنجاب نے اس موضوع پر قانون سازی کر کے دیگر صوبوں کے لیے قابلِ تقلید مثال قائم کی ہے۔
ایکٹ کے مطابق رسول اللہؐ، انبیاء کرام، اہلِ بیت، خلفائے راشدین، صحابہ کرام اور امہات المومنین کے بارے میں توہین آمیز کلمات پر کاروائی کی جا سکے گی۔

اسی طرح انبیاء کرام، فرشتوں، قرآن مجید اور اسلام کے بارے میں متنازعہ اور توہین آمیز الفاظ قابل گرفت ہوں گے۔دیگر مذاہب، الہامی کتب جیسے تورات، زبور، انجیل، مقدس ہستیوں کے خلاف گستاخانہ مواد کی اشاعت پر بھی پکڑ ہو سکے گی۔

یہ ایکٹ ملک میں مذہبی رواداری کے فروغ اور فرقہ واریت کے خاتمے میں ایک سنگِ میل ثابت ہو گا۔ایکٹ کے تحت رسول اکرمؐ کے نام کے ساتھ خاتم النبیین اور صلی اللہ علیہ وآلہ وسلم لکھنا لازمی قرار دیا گیا ہے۔ تحفظ بنیاد اسلام ایکٹ کی خلاف ورزیوں پر 5 سال قید اور 5 لاکھ روپے جرمانہ یا دونوں سزائیں دی جا سکیں گی۔محکمہ اطلاعات و ثقافت کتب کی رجسٹریشن اور ریگولیشن سمیت دیگر انتظامی امور کی انجام دہی یقینی بناۓ گا۔بطور وزیرِ اطلاعات میرے لیے اور پورے محکمہ کے لیے یہ اعزاز کی بات ہے۔