قصور (باغی ٹی وی،ڈسٹرکٹ رپورٹرطارق نوید سندھو سے) تحریک لبیک پاکستان کے زیر اہتمام قصور میں تاجدار ختم نبوت کانفرنس کا انعقاد کیا گیا۔ اس کانفرنس کی صدارت تحریک لبیک کے امیر محترم جناب حافظ سعد حسین رضوی نے کی۔
اس موقع پر معروف مذہبی شخصیات نے شرکت کی جن میں غازی ممتاز حسین قادری کے صاحبزادے علی رضا ممتاز ، پیر سید توقیر الحسن شاہ اور ملک بھر سے آئے ہوئے علماء کرام شامل تھے۔ مقررین نے عقیدہ ختم نبوت کی اہمیت اور موجودہ دور میں اس کے تحفظ کے لیے اقدامات پر زور دیا۔
حافظ سعد حسین رضوی نے کانفرنس کے کامیاب انعقاد پر تمام کارکنان کی خدمات کو سراہا اور ان کی حوصلہ افزائی کے لیے دستار بندی کی۔ اس موقع پر ناظم اعلٰی قصور محمد زاہد رضوی، سردار حافظ منیب احمد ڈوگر، شیر محمد رضوی، منیر احمد خاں ساقی، علی شیر سندھو، محمد عثمان رضوی، قاری عبدالغفار رضوی، محمد عرفان رضوی اور طارق نوید سندھو سمیت دیگر کارکنان کی خدمات کو بھی سراہا گیا۔
