کابل :طالبان نے شہریوں سے اسلحہ جمع کرنا شروع کردیا

طالبان نے شہریوں سے اسلحہ جمع کرنا شروع کردیا ہے۔

باغی ٹی وی : https://www.reuters.com/world/asia-pacific/taliban-afghan-capital-kabul-start-collecting-weapons-civilians-2021-08-16/طالبان نے کابل کے شہریوں سے اسلحہ اکٹھا کرنا شروع کردیا ہے ایک طالبان عہدیدار نے بتایا کہ افغان دارالحکومت کابل میں طالبان جنگجوؤں نے پیر سے شہریوں سے اسلحہ جمع کرنا شروع کیا کیونکہ لوگوں کو اب ذاتی تحفظ کی ضرورت نہیں ہے۔

طالبان رہنماؤں کا کہنا ہے کہ پہلے شہریوں کو اپنے ذاتی تحفظ کیلئے اسلحے کی ضرورت تھی لیکن اب کابل میں طالبان کی حکومت آچکی ہے اس لیے شہریوں کو ذاتی تحفظ کیلئے پریشان ہونے کی ضرورت نہیں ہے ان کی حفاظت کی ذمہ داری امارت اسلامیہ کی ہے۔

واضح رہے کہ گزشتہ روز طالبان کابل پہنچ گئے ہیں جس کے بعد افغان صدر اشرف غنی ملک سے فرار ہو گئے، کابل میں طالبان کا کنٹرول ہے ، دیگراہم سرکاری عمارتون پربھی افغان طالبان کا قبضہ ہوگیا ہے اس وقت شہرمیں امن وامان کی صورت حال بہتر ہے اورسڑکوں پرافغان طالبان گشت کررہے ہیں اور لوگوں کو ایک دوسرے کے ساتھ تعاون کی ہدایت بھی کررہے ہیں‌-

ملا عبدالغنی برادر نے کابل کی فتح پر مبارکبادی پیغام جاری کر تے ہو ئے کہا ہے کہ ‏افغانستان کی پوری مسلم ملت باالخصوص کابل کے شہریوں کو فتح پر مبارکباد پیش کرتے ہیں اللہ کی مدد و نصرت سے یہ کامیابی حاصل ہوئی ہے اللہ کا ہر وقت عاجزی کے ساتھ شکر ادا کرتے ہیں۔ کسی غرور اور تکبر میں مبتلا نہیں ہیں ملا عبدالغنی برادر نے کابل کی فتح پر مبارکبادی پیغام جاری کرتے ہوئے کہنا تھا کہ ‏طالبان کا اصل امتحان اور آزمائش اب شروع ہوئی ہے کہ وہ کیسے افغان عوام کی خدمت کرتے ہیں اور دنیا کے لیے ایک ایسی مثال بنتے ہیں، جس کی باقی دنیا پیروی کرے-