طلاق کے بعد عامر خان اور کرن راؤ کا ایک ساتھ پہلا ویڈیو بیان سامنے آ گیا

طلاق کے بعد بالی ووڈ سُپر اسٹارعامر خان اور اُن کی سابقہ اہلیہ فلمساز کرن راؤ کا ایک ساتھ پہلا ویڈیو بیان سامنے آگیا۔

باغی ٹی وی : سوشل میڈیا ویب سائٹ انسٹاگرام پر مانو منگلانی کی جانب سے عامر خان کا ایک ویڈیو پیغام شیئر کیا گیا ہے جس میں اُن کے ہمراہ اُن کی سابقہ اہلیہ کرن راؤ بھی موجود ہیں جبکہ یہ ویڈیو اُن کے آن لائن انٹرویو کا ایک مختصر کلپ ہے۔

ویڈیو میں دیکھا جاسکتا ہے کہ عامر خان اور اُن کی سابقہ اہلیہ کرن راؤ ایک ساتھ بیٹھے ہیں اور پھر اداکار اپنے مداحوں سے مخاطب ہوتے ہوئے کہتے ہیں کہ ہمیں معلوم ہے طلاق کی خبر سُن کر آپ سب کو بہت دُکھ ہوا ہوگا، اچھا نہیں لگا ہوگا اور آپ بہت حیران بھی ہوں گے۔

عامر خان اور اہلیہ کرن راؤ کا باہمی رضامندی سے شادی ختم کرنے کا اعلان

عامر خان نے کہا کہ ہم سب اتنا کہنا چاہیں گے کہ ہم دونوں ہی اس فیصلے سے بہت خوش ہیں۔

مسٹر پرفیکشنسٹ نے اپنی سابقہ اہلیہ کا ہاتھ تھامتے ہوئے کہا کہ ہمارے رشتے میں تبدیلی ضرور آئی ہے لیکن ہم دونوں ایک ساتھ ہیں تو آپ لوگ پریشان نہیں ہوں اُنہوں نے کرن اور اپنی تنظیم ’پانی فاؤنڈیشن‘ کے حوالے سے کہا کہ یہ فاؤنڈیشن ہمارے لیے ہمارے بیٹے آزاد کی طرح بہت اہم ہے لہٰذا ہم ہمیشہ ایک فیملی ہی رہیں گے-

عامر خان نے اپنے مداحوں سے کہا کہ آپ ہمارے لیے دُعا کریں کہ ہم دونوں خوش رہیں۔

عامر خان اور کرن راؤ کی علیحدگی پر پوجا بھٹ بول پڑیں

خیال رہے کہ بالی ووڈ اسٹار عامر خان نے اہلیہ کرن راؤ سے 15 برس تک رشتۂ ازدواج میں منسلک رہنے کے بعد باضابطہ طور پر طلاق کا اعلان کردیا ہے عامر خان اور کرن راؤ 28 دسمبر 2005 کو شادی کے بندھن میں بندھے تھے ان کا ایک بیٹا آزاد راؤ خان ہے-

کرن راؤ اور عامرخان ابھی بھی اچھے دوست ہیں اور ہمیشہ رہیں گے قریبی دوست حاجی امین

انسان کو اپنی شادی کی نسبت طلاق کا جشن منانا چاہیئے،فلمساز رام گوپال کا عامر اور کرن کی طلاق پرردعمل