تنگوانی: بس اور رکشے میں حادثہ، 5 زخمی، 2 کی حالت تشویشناک

تنگوانی( باغ ٹی وی نامہ نگارمنصو بلوچ)تنگوانی کے قریب بس اور رکشے میں حادثہ، پانچ افراد زخمی، دو کی حالت تشویشناک

تنگوانی کے قریب بلوچستان سے آنے والی ایک بس اور رکشے میں تصادم کے نتیجے میں پانچ افراد زخمی ہوگئے ہیں، جن میں سے دو کی حالت تشویشناک بتائی جا رہی ہے۔ یہ حادثہ تھانہ تنگوانی کی حدود میں ٹھل،کندکوٹ روڈ پر اشرف علی بجارانی کے بس اسٹاپ کے قریب پیش آیا۔

حادثے میں زخمی ہونے والوں کو فوری طور پر سول ہسپتال کندکوٹ منتقل کر دیا گیا جبکہ دو زخمیوں غالب حسین جسکانی اور ارپیلو چنا کی حالت تشویشناک ہونے کے باعث انہیں مزید طبی امداد کے لیے لاڑکانہ ہسپتال ریفر کر دیا گیا ہے۔

پولیس نے واقعے کی تحقیقات کا آغاز کر دیا ہے اور حادثے کی وجوہات جاننے کے لیے مزید تفتیش جاری ہے۔