ٹانک کو گیس کی فراہمی 2 ماہ سے بدستور بند ،شہری شدید مشکلات کا شکار

ٹانک کو گیس کی فراہمی 2 ماہ سے بدستور بند ہے،گیس بحران سے شہری مشکلات کا شکار ہیں

تفصیلات کے مطابق ضلع ٹانک کو گزشتہ دو ماہ سے گیس کی سپلائی صرف دن کے اوقات میں کی جارہی ہے دوران سپلائی بھی گیس پریشر ناقابل استعمال حس تک کم کردیا جاتا ہے جبکہ صبح اور شام کو جن اوقات میں گیس کی فراہمی گھریلو کام کاج کیلئے بے حد ضروری ہوتی ہے ان اوقات میں گیس کی سپلائی بلکل بند کردی جاتی ہے جس سے شہری اور خصوصا خواتین کو شدید مشکلات کا سامنا کرنا پڑ رہا ہے

تاریخ میں پہلی مرتبہ کچھ دن پہلے سوئی گیس آفس ٹانک سے گیس لوڈ شیڈنگ کا شیڈول بھی جاری ہوا جس میں ٹائم بھائی ٹائم ٹوٹل 24 گھنٹوں میں 10 گھنٹے عوام کو گیس میسر ہو گی مسلسل گیس کی بندش کے خلاف شہریوں میں شدید غم وغصہ پایا جاتا ہے شہریوں نے صوبائی حکومت اور اعلی حکام سے اصلاح و احوال کا مطالبہ کیا ہے