راکھی نے مجھے دھمکا کر اچھا نہیں کیا اب بھگتے تنوشری دتہ

بالی وڈ اداکارہ تنوشری دتہ نے میڈیا سے اپنی حالیہ گفتگو میں کہا ہے کہ راکھی ساونت تم ایک جھوٹی عورت ہو ، تم نے 2018 میں مجھ پر گندے غلیظ الزامات لگائے اور میرے خلاف کھڑی ہوئی ، ایسی ایسی وڈیوز بنا کر تم نے سوشل میڈیا پر جاری کیں کہ جن کو دیکھ کر میں خود پریشان ہو گئی ، تم نے مجھے جتنا پریشان کرنا تھا کر لیا ہے۔ پہلے تو میں نے تمہیں چھوڑ دیا تھا اب نہیں چھوڑوں گی ، میں عادل خان درانی کا ساتھ دے رہی ہوں تو تم مجھے دھمکا رہ ہو کہ مجھ پر ایف آئی آر کٹوائو گی تو کٹوائو ۔ اور مجھے تو سمجھ نہیں آرہی کہ تم ایف آئی آر کس بات کی کٹوائو گی ؟ کیونکہ میں تمہارے جھوٹ کے خلاف عادل کے ساتھ کھڑی ہوئی ہوں۔

”میں اب بھارت میں ہی ہوں اور میرے پاس بہت وقت ہے میں تمہیں اب بتائوں گی کہ قانونی جنگ لڑنا کیا ہوتا ہے ”اور اس بار تمہیں سبق سکھا کر ہی چھوڑوں گی۔ تم نے جس طرح لڑکیوں اور لڑکوں کو لوٹا ان کو بلیک میل کیا سب سامنے لائوں گی اور تمہارے ڈرامے کا دی اینڈ کروں گی۔ تم ایک گھٹیا کریکٹر ہو اور رہو گی لیکن اس بات تمہیں سبق سکھانا بہت ضروری ہے۔