پاکستان پیپلز پارٹی کے رہنما اور سینئر صوبائی وزیر شرجیل انعام میمن کا کہنا ہے کہ تھر کول سے پاکستان کا طویل المدتی توانائی کا مسئلہ حل ہو جائے گا۔
سندھ کے سینئر وزیر شرجیل میمن اور پشاور کے صحافیوں کے وفد کی کراچی میں ملاقات ہوئی۔دورانِ ملاقات شرجیل میمن نے صحافیوں سے کہا کہ سوچی سمجھی سازش کے تحت حکومت سندھ کے خلاف پروپیگنڈا کیا جاتا ہے، لیکن اب اس دورے سے صحافی دوستوں کو پتہ چلے گا کہ حکومت سندھ نے کتنا کام کیا ہے۔ان کا کہنا ہے کہ پاکستان اس وقت توانائی کے بحران سے دوچار ہے، پاکستان کو توانائی کے بحران سے نکالنے کا واحد حل تھرپارکر کا کوئلہ ہے.ہشہید بی بی نے تھرکول پر کام شروع کیا، ان کی حکومت ختم ہوتے ہی کام بند کر دیا گیا، 2008ء میں صدر زرداری نے شہید بی بی کے وژن کے تحت تھرکول پر کام کروایا۔
اس سے قبل صوبائی وزراء سید ناصر حسین شاہ اور سید ذوالفقار علی شاہ نے خیبرپختونخواہ سے آئے صحافیوں کے وفد سے ملاقات کی، محکمہ اطلاعات سندھ کی دعوت پر 15 رکنی صحافیوں کا وفد سندھ کے دورے پر پہنچا،صوبائی وزراء نے خیبرپختونخواہ سے آئے صحافیوں کے وفد کو سندھ آمد پر خوش آمدید کہا،صوبائی وزراء کی جانب سے مہمان وفد کو سندھ کی ثقافت اجرک کا تحفہ پیش کیا گیا، اس موقعہ پرسیکرٹری محکمہ اطلاعات سندھ ندیم الرحمان میمن اور دیگر افسران بھی موجود تھے،
