ٹیکس ایمنسٹی سکیم کی مدت آج ختم ہورہی ہے جس کے سلسلے میں ایف بی آر کی جانب سےاشتہار جاری کیا گیا،بے نامی جائیداد اور پوشیدہ اثاثوں کی خبر دینے والے کو انعام بھی دیا جائے گا.
باغی ٹی وی رپورٹ کےمطابق ٹیکس ایمنسٹی کی مدت آج رات 12 بجے ختم ہوجائے گی اور اس میں توسیع کا بھی کوئی امکان نہیں جب کہ ایف بی آر کی جانب سے آگہی کے لیے اسکیم کے آخری دن سے متعلق اشتہارات میں کہا گیا ہے کہ ٹیکس ایمنسٹی کے تحت پوشیدہ اثاثے ظاہر کرنےکا آج آخری دن ہے۔
ایف بی آر نے اشتہار میں کہا ہے کہ کسی کے چھپے اثاثے بتانے والے کو 5 فیصد انعام بھی ملے گا۔
وفاقی کابینہ نے اثاثے ظاہر کرنے کی اسکیم کی منظوری دے دی
یاد رہے کہ وفاقی کابینہ نے 14 مئی 2019 کو ٹیکس ایمنسٹی اسکیم کی منظوری دی تھی۔
اسکیم کے تحت ملک اور بیرون ملک موجود رقوم اور جائیدادیں ظاہر کرنے پر 4 فیصد رقم جمع کرانی ہوگی، رقم ہر صورت میں بینکوں میں جمع کرانی ہوگی، پیسا پاکستان نہ لانے پر 6 فیصد رقم قومی خزانے میں جمع ہوگی۔
