انقرہ:ترکی کو دنیا میں مثالی ملک بنایا جائے گا،اطلاعات کے مطابق صدررجب طیب ایردوان نے کہا کہ رواداری کی آب و ہوا کو نسل پرست ، امتیازی اور انتہا پسند گروہوں کے ذریعہ زہر آلود کیے جانے کی ہرگز اجازت نہیں دی جائے گی۔صدرایردوان نے ان خیالات کا اظہار یہودیوں کے تہوارہنوکا کےموقع پر دیےجانے والے پیغام میں کیا ہے۔
اپنے پیغام میں ، ایردوان نے کہا کہ ایک دوسرے سے مختلف مذاہب ، زبانیں، اورنسلوں ہی سےایک تہزیب کو فروغ حاصل ہوتا ہے۔ انہوں نے کہا کہ ہر شہری کو آزادانہ طور پر زندگی گزارنے کی کا مکمل حق حاصل ہے اور وہ اسے بڑے اہمیت دیتے ہیں۔
انہوں نے کہا کہ انہوں نے گزشتہ 17 سالوں میں مختلف شعبوں میں نافذ کی جانے والی اصلاحات کے ذریعے مذہب اور ضمیر کی آزادی کی راہ میں حائل رکاوٹوں کو ایک ایک کرکے دور کیا ہے۔
طیب اردوان نے مزید کہا کہ ہم نے کبھی عقائد ، ملبوسات ، رہن سہن کی وجہ سے کسی کو بھی معاشرے سے دور کرنے کی کو ئی کوشش نہیں کی ہے بلکہ تمام معاشرے کو ایک اکائی بنایا ہے۔
انہوں نے کہا کہ ہم نے 82 ملین آبادی کے ملک میں تمام افراد کو امن، یکجہتی اور رواداری سے زندگی بسر کرنے اور کسی کو بھی رواداری کی آب و ہوا کو نسل پرست ، امتیازی اور انتہا پسند گروہوں کے ذریعہ زہر آلود کرنے کی اجازت نہیں دی ہےاور اس کے بعد ہم نے اس حساسیت کو برقرار رکھنے کا عزم رکھتے ہیں
