سرگودھا (بیورو رپورٹ) حکومت پنجاب نے ٹی بی کی مفت تشخیص کیلئے سرگودھا سمیت صوبہ بھر میں 549 ٹی بی مراکز قائم کردیئے ہیں جبکہ سرگودھا‘ فیصل آباد‘ سیالکوٹ‘ ملتان‘ ڈیرہ غازی خان‘ رحیم یار خان اور بہاولپور میں ٹی بی تشخیصی کے خصوصی 11 مراکز بھی قائم کئے گئے ہیں جبکہ موبائل ٹیمیں بھی ٹی بی کی تشخیص کیلئے متحرک ہیں پی ایم اے پنجاب کے نائب صدر ڈاکٹر سکندر حیات وڑائچ کا کہنا ہے کہ ٹی بی کو معمولی بیماری نہیں سمجھنا چاہیئے دو ہفتے سے زائد مسلسل کھانسی رہنے کی صورت میں فوری طور پر ڈاکٹر سے رابطہ کرنا چاہیئے تاکہ اس کی تشخیص مفت ہوسکے۔
