لاہور: سینئر اینکر پرسن اور تجزیہ کار مبشر لقمان نے بھارتی وزیراعظم نریندر مودی کو طنزیہ انداز میں مخاطب کرتے ہوئے کہا کہ مسٹر پرائم منسٹر مودی اگر ریٹائرڈ ونگ کمانڈر ابھی نندن چائے کا ایک اور کپ چاہتے ہیں تو براہ کرم اسے واہگہ سے بھیج دیں.
تفصیلات کے مطابق مبشر لقمان نے اپنے ایک ٹویٹر پیغام میں کہا کہ مسٹر پی ایم مودی اگر ریٹائرڈ ونگ کمانڈر ابھی نندن چائے کا ایک اور کپ چاہتے ہیں تو براہ کرم اسے واہگہ سے بھیج دیں، بے گناہ کشمیریوں کو نشانہ بنانے کی ضرورت نہیں ہے۔ واضح رہے کہ پچھلے کچھ روز سے کشمیر کے حالات خراب ہیں اور وہاں ایمرجنسی کی صورت حال ہے، مودی سرکار نے کشمیر میں اضافی بھارتی فوج تعینات کر رکھی ہے اور معصوم کشمیریوں پر ظلم کا سلسلہ جاری ہے. اس حوالے سے مبشر لقمان نے نریندر مودی کے نام اہم پیغام بھجوایا ہے.
Dear Mr PM Modi if Retired Wing Commander Abhinandan wants another cup of tea then please send him over from Wagha there is no need to terrorise innocent Kashmiris
— Mubasher Lucman (@mubasherlucman) August 3, 2019
یاد رہے کہ اس سے قبل بھی فروری میں بھارت نے سرحد کی خلاف ورزی کی تھی اور پاکستان سے پنگا لینے کی ناکام کوشش کی تھی لیکن اسے منہ کی کھانہ پڑی تھی جہاں بھارتی فضائیہ کا جہاز پاکستان فضائیہ نے مار گرایا تھا اور کمانڈر ابھی نندن کو پاکستان آرمی نے گرفتار کرلیا تھا.
