پنڈی گھیب (باغی ٹی وی رپورٹ) عسکری پبلک سکینڈری سکول احمدال کے ایک ٹیچر حافظ منیر احمد مبینہ طور پر ساتویں جماعت کے ایک طالب علم محمد علی پر شدید تشدد کرنے کے بعد اسے بے ہوش چھوڑ کر چلے گئے۔ محمد علی ولد سعادت اقبال نوتھین ملکان کا رہائشی ہے۔
بچے کو بے ہوش حالت میں اس کے والدین کے حوالے کیا گیا۔ والدین نے وزیراعلیٰ پنجاب مریم نواز شریف، آئی جی پنجاب اور وزیر تعلیم رانا تنویر حسین سے انصاف کی اپیل کی ہے۔ انہوں نے مطالبہ کیا ہے کہ عسکری پبلک سکینڈری سکول احمدال کی انتظامیہ اور خاص طور پر تشدد کرنے والے ٹیچر حافظ منیر احمد کے خلاف سخت قانونی کارروائی کی جائے۔
