آل انڈیا تنظیم علماء حق کے قومی صدر مولانا محمد اعجاز عرفی قاسمی نے تین طلاق بل کو بھارتی آئین کے بنیادی حقوق پر مبنی دفعات اور مذہبی آزادی کے خلاف قرار دیا ہے۔
بھارت، تین طلاق بل قانون بن گیا
اپنے ایک بیان میں انہوں نے کہا کہ تین طلاق بل کی اس طرح منظوری نہ صرف جمہوری روایات کے خلاف ہے بلکہ جمہوریت کا استحصال بھی ہے۔
اعجاز کے مطابق نکاح، طلاق،حلالہ، تعدد ازدواج وغیرہ عائلی مسائل اور دوسرے مذہبی امور میں صریح آزادی اور اپنے مِذہب و عقیدہ کے مطابق عمل کرنے کی بھارتی آئین میں ضمانت دی گئی ہے ۔
انہوں نے کہا کہ کسی بھی قانون ساز ادارے کے لیے کوئی ایسا قانون یا آرڈی نینس پاس کرنے کاکوئی حق نہیں ہے جس سے مخصوص طبقہ کے شرعی معاملات اور مذہبی امور میں مداخلت کی راہ ہموار ہوتی ہو۔
