تحریک انصاف کو لگا بڑا دھچکا

8:53 PM
تحریک انصاف کو لگا بڑا دھچکا

باغی ٹی وی : پاکستان تحریک انصاف کے رکن سندھ اسمبلی ملک شہزاد اعوان نے استعفیٰ دے دیا، ملک شہزاد اعوان نے اپنا استعفیٰ اپوزیشن لیڈر حلیم عادل شیخ کو بھجوا دیا۔

ملک شہزاد نے استعفیٰ این اے 249 سے امجد آفریدی کو ٹکٹ دینے پر دیا۔مستعفی رکن کا کہنا ہے کہ پی ٹی آئی امیدوار امجد آفریدی حلقے میں غیر مقبول ہے۔ملک شہزاد اعوان نے کہا کہ یہ سیٹ ہرحال میں جیت کر وزیراعظم کو تحفے میں دینی ہے۔

اس حوالے سے ملک شہزاد اعوان کا کہنا ہے کہ امجد آفریدی این اے 249 کی نشست پر ایک کمزور امیدوار ہوں گے جن کے ہارنے سے پارٹی کی ساکھ متاثر ہوگی۔ ذرائع کے مطابق ملک شہزاد اعوان نے بلدیہ ٹاؤن کی نشست پر ضمنی انتخابات کے لیے اپنے پسندیدہ امیدوار کو ٹکٹ جاری نہ کرنےپر سخت برہمی ک اظہار کرتے ہوئے اسمبلی رکنیت سے استعفیٰ دے دیا۔

ذرائع کے مطابق ان کے استعفیٰ دینے سے پاکستان تحریک انصاف اندر بے چینی کی لہر پھیل گئی ہے .