عدالت سینئر سپیشل مجسٹریٹ نے تہذیب بیکرز بلیو ایریااسلام آبادکو سیل کردیا
سینئر سپیشل مجسٹریٹ سی ڈی اےایم سی آئی اسلام آباد نے ہیلتھ رولز کی خلاف ورزی پر منگل کے روز تہذیب بیکری بلیو ایریا اسلام آباد کو سیل کردیا۔تفصیلات کے مطابق تہذیب بیکرز بلیو ایریا اسلام آباد کے 6کس ملازمین فضل احمد، میاں رمضان،ایم فیاض،ذوالفقار، نجیب اللہ ،ساجد جلیل نے ڈائریکٹر آف ہیلتھ میں ٹیسٹ کروائے جس پران کا ہیپاٹائٹس ٹیسٹ پازیٹو آیا.
تہذیب بیکری تہذیب کا مظاہرہ کرے ملازمین کی ھیلتھ انشورنس ای او بی آئی رجسٹریشن اور حکومت کی مقرر کردہ کم از کم تنخواہ پچیس ھزار ملازمین کو ادا کرے ۔@Noormengal_ pic.twitter.com/dVCXZwUMNb
— Tahir Naeem Malik (@TahirNaeemMalik) April 11, 2023
پروفیسر طاہر نعیم ملک نے اس بارے میں لکھا کہ؛ تہذیب بیکری تہذیب کا مظاہرہ کرے اور ملازمین کی ھیلتھ انشورنس ای او بی آئی رجسٹریشن اور حکومت کی مقرر کردہ کم از کم تنخواہ پچیس ھزار ملازمین کو ادا کرے ۔”
خیال رہے کہ جس کے بارے میں تہذیب بیکرز کو منجانب ڈی ایچ ایس آگاہ کیا گیا تھاکہ انہیں تہذیب بیکرز پر کام کرنے سے فی الفور روک دیا جائے لیکن باوجود منع کرنے کے کورٹ ہذا کے نوٹس میں لایا گیاکہ 6کس ملازمین فضل احمد، میاں رمضان،ایم فیاض،ذوالفقار، نجیب اللہ ،ساجد جلیل تہذیب بیکری پر بدستور کام جاری رکھے ہوئے ہیں.
جو کہ ایک انتہائی سنگین قسم کا جرم ہے جو کہ عوام الناس میں بڑے پیمانے پر ہیپاٹائٹس پھیلنے کا موجب ہیں، اس وجہ سے تہذیب بیکری کوبڑے پیمانے پر بیماریاں پھیلانے کے جرم میں سیل کیا گیاہے تا کہ باقی بیکری پر خریداری کیلئے آنے والے عوام الناس اس بیماری سے محفوظ رہ سکیں۔سینئر سپیشل مجسٹریٹ سی ڈی اےایم سی آئی اسلام آباد سردار محمد آصف نے کہا کہ تاجروں کو پیسے لے کر بیماریاں فروخت کرنے کی ہرگز اجازت نہیں دے سکتے۔ عدالت بغیر کسی تخصیص کے ہر بڑے چھوٹے ملزم کے خلاف بلا تفریق کارروائی جاری رکھے گی۔
