کراچی :اللہ کی رحمت سے مایوس نہ ہوں ، سندھ میں کورونا وائرس کے مزید 10 مریض صحتیاب ہوگئے،اطلاعات کےمطابق سندھ میں کورونا وائرس کے مزید 10 مریض صحتیاب ہوگئے جس کے بعد اس مرض سے سندھ میں صحتیاب ہونے والے مریضوں کی تعداد 14 ہوگئی ہے۔
ترجمان سندھ حکومت مرتضیٰ وہاب نے اپنی ٹوئٹ میں بتایا ہے کہ سندھ میں کورونا وائرس سے متاثرہ مزید 10 افراد صحتیاب ہوگئے ہیں۔مرتضیٰ وہاب کے مطابق کورونا وائرس سے متاثرہ ان 10 مریضوں کے حالیہ ٹیسٹ منفی آئے ہں جس کے بعد اللہ کا شکر ہے کہ سندھ میں شفایاب ہونے والے کورونا وائرس کے مریضوں کی تعداد 14 ہوگئی ہے۔
سندھ میں کورونا وائرس سے متاثرہ افراد کی کل تعداد 410 ہوگئی ہے جن میں سے اب 14 افراد صحتیاب جب کہ ملک بھر میں مہلک وائرس سے اب تک 20 افراد صحتیاب ہوئےہیں جن میں سے سندھ میں 14 ،گلگت بلتستان میں 4 اور 2 کا تعلق اسلام آباد سے ہے۔
