تیری میری کہانیاں کی تقریب ، وہاج علی، مہوش حیات و دیگر کی شرکت

گزشتہ روز کراچی میں تیری میری کہانیاں کے سلسلے میں ایک تقریب رکھی گئی اس رنگارنگ تقریب میں مہوش حیات، وہاج علی، رمشا خان, شہریار منور، مانی،حرا مانی، آمنہ الیاس،مرینہ خان، لیلیٰ واسطی،صبا پرویز و دیگر شوبز فنکاروں نے شرکت کی۔فلم تیری میری کہانیاں میں مہوش حیات اور وہاج علی ندیم بیگ کے پروجیکٹ میں جلوہ گر ہورہے ہیں.دوسری فلم میں اداکارزاہد احمد اورآمنہ الیاس ایک ساتھ دکھائی دیں گے. شہریارمنور اور رمشا خان بھی ایک ساتھ پہلی بار نظر آئیں گے. حرا اور مانی بھی پہلی مرتبہ ایک ساتھ جلوہ گرہو رہے ہیں. تیری میری کہانیاں کو خلیل الرحمن قمر، واسع چودھری، علی عباس نقوی اور باسط نقوی نے لکھا ہے جبکہ ڈائریکٹرز میں نبیل

قریشی، ندیم بیگ،مرینہ خان شامل ہیں.پاکستان میں تیری میری کہانیاں جیسا تجربہ پہلی بار کیا جارہا ہے. اگر اس تجربے کو پذیرائی ملی تو شاید آنے والے وقتوں میں اسی پیٹرن پر فلمیں بننا شروع ہوجائیں گی. تیری میری کہانیاں میں چار کہانیاں ہیں ہر کہانی آدھے گھنٹے کی ہو گی. پاکستان میں کبھی اس سے پہلے اس طرح سے چار کہانیوں پر مشتمل فلم سینما گھر کی زینت نہیں بنی، یہی وجہ ہے کہ شائقین اس تجربے کو دیکھنے کےلئے بےتاب ہیں. مرینہ خان کی بڑی سکرین کے لئے کاوش یقینا سراہنے کے قابل ہے.