افغان طالبان نے چمن سے ملحقہ سرحد پر قبضہ کرکے پاک افغان باب دوستی گیٹ پر اپنا پرچم لہرا دیا

اسلام آباد:افغان طالبان نے چمن سے ملحقہ سرحد پر قبضہ کرکے پاک افغان باب دوستی گیٹ پر اپنا پرچم لہرا دیا ،اطلاعات کے مطابق افغان طالبان نے چمن سے ملحقہ سرحد پر قبضے کا دعویٰ کیا ہے، افغان طالبان نے گشت کی ویڈیوز بھی شئیر کر دیں۔

اس حوالے سے میڈیا رپورٹس میں بتایا گیا ہے کہ طالبان نے پاکستان کے شہر چمن سے ملحقہ افغان سرحد پر بھی قبضہ کرکے پاک افغان باب دوستی گیٹ پر اپنا پرچم لہرا دیا ہے ۔

افغان باقی، کہسار باقی

الحکم للہ، الملک للہ

افغان طالبان کا چمن سے ملحقہ سرحد پر قبضہ، پاک افغان باب دوستی گیٹ پر اپنا پرچم لہرا دیا pic.twitter.com/0Plkp2ZtVn

— Baaghi TV باغی ٹی وی (@BaaghiTV) July 14, 2021

دوسری طرف چمن سے ذرائع کے مطابق پاکستان کی جانب سے بھی آمدروفت روکنے کے لیے سرحد کو بنا کر دیا گیا ہے۔ علاوہ ازیں سرحد پر سیکیورٹی انتظامات میں بھی اضافہ کر دیا گیا ہے۔

چمن سے ملحقہ افغانستان کی سرحد کے اندر افغان طالبان کے لشکرفاتحانہ انداز میں پھرتے ہوئے پاکستانی سیکورٹی دستوں کودیکھ کرخوش ہورہےہیں اور دور سے سلام عرض کررہے ہیں pic.twitter.com/WS5h4rOApD

— Baaghi TV باغی ٹی وی (@BaaghiTV) July 14, 2021

افغانستان سے ملنے والی اطلاعات کے مطابق رات گئے چمن سے ملحقہ افغان صوبے کندھار کے سرحدی شہر سپین بولدک کے ویش بازار میں طالبان اور افغان فورسز کے مابین جھڑپیں ہوئی تھیں جس کے بعد افغان فورسز نے پسپائی اختیار کر لی جبکہ جھڑپوں کے دوران جانی نقصان کی بھی اطلاعات موصول ہوئی ہیں۔

طالبان کی جانب سے اس حوالے سے ویڈیوز بھی جاری کی گئی ہیں جس میں وہ سرحدی گیٹ سے ملحقہ علاقے میں گشت کرتے ہوئے اور چوکیوں پر پچم لہراتے ہوئے نظر آ رہے ہیں۔

ادھر باغی ٹی وی ذرائع کے مطابق طالبان کے ترجمان ذبیح اللہ مجاہد نے ایک بیان میں کہا کہ مجاہدین نے قندھار میں ایک ہم سرحدی قبضے ویش پر قبضہ کر لیا ہے۔

پاکستانی وزارت خارجہ، وزارت داخلہ اور وزارت دفاع کی جانب سے ابھی تک کوئی بیان سامنے نہیں آیا۔ڈپٹی کمشنر قلعہ عبدااللہ جمعہ داد منوضیک کے مطابق صورتحال کے پیش نظر پاک افغان سرح غیر معہینہ مدت کے لیے بند کر دی گئی ہے