شیریں مزاری کی گرفتاری سیاسی جبرنہیں تواورکیا ہے؟پی پی رہنما کی سخت تنقید

اسلام آباد:شیریں مزاری کی گرفتاری سیاسی جبرنہیں تواورکیا ہے؟پی پی رہنما کی سخت تنقید،اطلاعات کے مطابق پاکستان پیپلز پارٹی کے رہنما سینیٹر مصطفیٰ نوازکھوکھر نے شیریں مزاری کی گرفتاری کی مذمت کرتے ہوئے کہا کہ یہ سیاسی جبر کی سب سے بری شکل ہے۔

سینیٹر مصطفی نواز کھوکھر نے پاکستان تحریک انصاف کی رہنما اور سابق وزیر ڈاکٹر شیریں مزاری کی گرفتاری پر ردعمل دیتے ہوئے کہا کہ لگتا ہے پاکستان میں چیزیں بدلنے والی نہیں، شیریں مزاری میری پڑوسی اورعزیزدوست ہیں، ان کی گرفتاری قابل مذمت اور سیاسی جبر کی سب سے بری شکل ہے۔

پی پی رہنما نے کہا کہ جو لوگ ماضی میں ان چیزوں سے گزرے انہوں اسے برا بھلا کہا ہے، انہوں نے کہا کہ سوال اٹھایا کہ جو ان چیزوں سے ماضی میں گزر چکے وہ اس میں کیوں ملوث ہونگے یا اس پر آنکھیں بند کرینگے۔

خیال رہے کہ سابق وفاقی وزیر شیریں مزاری کو گھر کے باہر سےگرفتار کرلیا گیا ہے ، اسلام آباد پولیس نے ان کی گرفتاری کی تصدیق کرتے ہوئے بتایا کہ شیریں مزاری کیخلاف ڈی جی خان میں اینٹی کرپشن کے تحت مقدمہ درج تھا، انہیں تھانہ کوہسار سے ڈیرہ غازی خان منتقل کردیا گیا ہے۔پاکستان تحریک انصاف نے گرفتاری کیخلاف ملک گیراحتجاج کی کال دے دی ہے۔