لاہور:آسٹریلوی کرکٹ ٹیم آج 24 سال بعد دورہ پاکستان کےلیےاسلام آباد پہنچے گی،اطلاعات کے مطابق تقریباً 24 سال بعد پاکستان کا دورہ کرنے والی آسٹریلوی کرکٹ ٹیم آج پاکستان کی سرزمین پر اپنے قدم رکھے گی اور کرکٹ کی دنیا سے نئے تعلقات کا آغاز ہوگا
کرکٹ ذرائع کے مطابق 27 فروری سے 6 اپریل تک اپنے دورہ پاکستان میں آسٹریلوی ٹیم پاکستان میں تین ٹیسٹ، تین ون ڈے او ر ایک ٹی ٹوئنٹی میچ کھیلے گی۔آسٹریلوی کرکٹ ٹیم 24 سال پاکستان آرہی ہے ، پاکستان کرکٹ بورڈ (پی سی بی) حکام صبح 5 بجے اسلام آباد ائیر پورٹ پر آسٹریلوی ٹیم کا استقبال کریں گے۔
🇦🇺 ➡️ 🇵🇰 pic.twitter.com/rarLO6rJB6
— Steve Smith (@stevesmith49) February 26, 2022
آسٹریلوی ٹیم ہوٹل میں دو روز تک بائیو سکیور ببل میں رہے گی جس کے بعد کھلاڑیوں کے کورونا ٹیسٹ کیے جائیں گے، ٹیسٹ منفی آنے پر آسٹریلوی کھلاڑیوں کو پریکٹس کی اجازت ہوگی۔
آسٹریلوی ٹیم کی آمد پر سکیورٹی کے سخت انتطامات کیے گئے ہیں۔ دورے کے دوران اسٹیڈیم اور ٹیموں کے روٹ پر فوج اور رینجرز اہلکار تعینات ہوں گے۔
خیال رہے کہ آسٹریلوی کرکٹ ٹیم تقریباً 24 برس بعد پاکستان کا دورہ کر رہی ہے اور دونوں ٹیموں کے درمیان تین ٹیسٹ، تین ون ڈے اور صرف ایک ٹی ٹوئنٹی میچ کھیلا جائے گا۔
پہلا ٹیسٹ 4 مارچ سے راولپنڈی میں شروع ہوگا۔ دوسرا ٹیسٹ کراچی جبکہ تیسرا ٹیسٹ لاہور میں ہوگا۔تینوں ون ڈے میچز اور واحد ٹی ٹوئنٹی راولپنڈی میں کھیلے جائیں گے۔
پاکستان اور آسٹریلیا کی سیریز سے قبل بعض کرکٹرز کے فٹنس مسائل نے مینجمنٹ کو پریشان کردیا۔
ذرائع کے مطابق محمد نواز پہلے ہی انجرڈ ہو کر ٹیسٹ سیریز سے باہر ہو چکے ہیں جب کہ حسن علی اور فہیم اشرف بھی اہم ٹیسٹ سیریز سے قبل پی ایس ایل میں فٹنس مسائل کا شکار ہوچکے ہیں۔
ذرائع کا کہنا ہےکہ کرکٹرزکی پہلے ٹیسٹ میچ میں شرکت خدشات کا شکار ہے تاہم ٹیم مینجمنٹ ان کی فٹنس کا جائزہ لے گی۔
ذرائع کے مطابق مینجمنٹ نے خدشہ ظاہر کیا ہےکہ کرکٹرز میں اگلے دو تین روز میں بہتری نہ آئی تو وہ سیریز سے بھی باہر ہو سکتے ہیں
