پاکستان کے خلاف امتیازی فیصلہ کیوں ؟برطانوی رکن پارلیمنٹ نے بورس جانسن سے وضاحت مانگ لی

لندن:پاکستان کے خلاف امتیازی فیصلہ کیوں ؟برطانوی رکن پارلیمنٹ نے بورس جانسن سے وضاحت مانگ لی ،اطلاعات کے مطابق برطانوی پارلیمنٹ کے رکن رچرڈ برگن نے پاکستان کو سفری ریڈ لسٹ میں رکھنے سے متعلق وزیراعظم بورس جانسن سے وضاحت مانگ لی۔

ا رکن برطانوی پارلیمنٹ رچرڈبرگن کا کہنا ہے کہ یہ پہلا موقع نہیں کہ پاکستان سے متعلق سیاسی اور امتیازی فیصلہ کیا گیا، پاکستان میں انفیکشن ریٹ امبرلسٹ میں موجود کئی ممالک سے کم ہے۔رچرڈبرگن نے مطالبہ کیا کہ حکومت اس ضمن میں منصفانہ فیصلہ کرے۔

واضح رہے کہ برطانیہ نے حالیہ دنوں کئی ممالک کو سفری قوائدوضوابط کی سرخ فہرست سے نکالا ہے لیکن ان میں پاکستان کا نام شامل نہیں جس کے بعد یہ مطالبہ زور پکڑ گیا ہے کہ پاکستان کو بھی ریڈ لسٹ سے نکلا جائے تاکہ مسافر ہوٹل قرنطینہ کی سخت پابندی کے بغیر سفر کرسکیں۔

دوسری جانب پاکستان کو برطانوی ریڈ لسٹ سے نکالنے کے لیے آن لائن پٹیشن پر اب تک ایک لاکھ سے زائد دستخط کردیئے گئے، مذکورہ معاملہ پارلیمنٹ میں زیربحث آئے گا۔

اوور سیز پاکستانیوں کی بڑی تعداد نے بھی برطانوی حکومت پر شدید تنقید کی۔ پاکستان کو ریڈ لسٹ میں رکھنے پر متعدد ممبران پارلیمنٹ کے خطوط بھی شامل ہیں۔

یہ بھی یاد رہے کہ برطانیہ کی جانب سے گزشتہ روز ریڈ لسٹ میں تبدیلیاں کی گئیں جس کے مطابق کورونا کی خراب ترین صورتحال کے باوجود بھارت کو ریڈ لسٹ سے نکال دیا گیا۔