لندن : پی آئی اے کے حق میں برطانوی سپریم کورٹ نے فیصلہ دے دیاا،طلاعات کے مطابق پاکستان کی کامیابیوں کا سفرجاری ہے اورآج پی آئی اے نے برطانوی سپریم کورٹ میں تاریخی مقدمہ جیت لیا،
برطانوی سپریم کورٹ میں یہ مقدمہ برٹش پاکستانی ٹریول ایجنٹ نے پی آئی اے کے خلاف کیا تھا۔
تفصیلات کے مطابق برطانوی سپریم کورٹ میں دلائل دیتے ہوئے وکیل پی آئی اے کا کہنا ہے کہ 5لارڈ جسٹسز نے پی آئی اےکے حق میں متفقہ فیصلہ سنایا، جس میں عدالت نے2012 میں پی آئی اے کی جانب سے ٹکٹوں کی فروخت کے لیے معاہدے کو قانونی قرار دے دیا۔
فرحان فارانی کا کہنا ہے کہ مقدمہ ہارنے کی صورت میں پی آئی اےکوبڑانقصان ہو سکتا تھا، یہ معاملہ اس قدر سنگین تھا کہ روس اور یوکرین نے بھی اس معاملے میں مداخلت کی، ان کے کیسز پر بھی اس کے اثرات پڑیں گے۔
فرحان فارانی کہتےہیں کہ سپریم کورٹ کا فیصلہ موثر طور پر تجارتی معاہدوں کی حدود کا تعین کرے گا اور اس کے بعد پی آئی اے کو ٹکٹوں پر فیول سرچارج کی مد میں ایجنٹس کو کمیشن ادا نہیں کرنا پڑے گا۔
خیال رہے برمنگھم کے برٹش پاکستانی ٹریول ایجنٹ نے پی آئی اے کے خلاف مقدمہ کیا تھا،جسمیں کہا گیا تھا کہ 2012 میں معاشی دباؤ کے بعد اسے کمیشن کی ادائیگی کے بغیر نیا معاہدہ کرنے پر مجبور کیا گیا۔
