پاکستان انگلینڈ سیریز منسوخ کیوں کی؟ انگلش کرکٹ بورڈ کے چیئرمین نے احتجاجا استعفیٰ دے دیا

لندن :پاکستان انگلینڈ سیریز منسوخ کیوں کی؟ انگلش کرکٹ بورڈ کے چیئرمین نے احتجاجا استعفیٰ دے دیا ،اطلاعات کے مطابق پاکستان انگلینڈ سیریز منسوخی کا تنازعہ شدت اختیار کرگیا ہے اورانگلش کرکٹ بورڈ کے چیئرمین آئن واٹمور نے پاکستان کے ساتھ نہ کھیلنے کے فیصلے پراحتجاج کرتے ہوئے اپنے عہدے سے استعفیٰ دے دیا ہے

برطانوی میڈیا نے بھی اس حوالے سے تصدیق کی ہے کہ آئن واٹمور نے چیئرمین کرکٹ بورڈ کے عہدے سے استعفیٰ دے دیا ہے۔برطانوی میڈیا کا کہنا ہےکہ آئن واٹمور کے عہدے کی مدت 5 سال تھی تاہم آئن واٹمور صرف 10 ماہ عہدے پر فائز رہے ۔

برطانوی میڈیا کے مطابق پاکستان انگلینڈ سیریز منسوخی کی وجہ سے وہ دباؤ کا شکار تھے ، وہ بورڈ آف ڈائریکٹرز سے مشاورت کے بعد باہمی رضا مندی سے عہدے سے مستعفی ہوئے ہیں۔

یاد رہےکہ نیوزی لینڈ کے دورہ منسوخ کرنے کے بعد انگلش کرکٹ بورڈ نے بھی اپنی ٹیمیں پاکستان بھیجنے سے معذرت کرلی تھی ۔انگلش مینز اور ویمنز ٹیم کو اکتوبر میں پاکستان کا دورہ کرنا تھا۔انگلش کرکٹ بورڈ کا کہنا ہے کہ سیکیورٹی اطلاعات پر ٹیم پاکستان نہیں بھیج سکتے۔انگلینڈ کی مینز ٹیم کو 13، 14 اکتوبر کو 2 ٹی ٹوینٹی کھیلنا تھے، خواتین ٹیم نے بھی 2 ٹی 20 اور تین ون ڈے میچز پاکستان میں کھیلنا تھے۔

انگلینڈکرکٹ بورڈکاکہناہےکہ ہمیں اس فیصلےکےباعث پی سی بی کی مایوسی کااندازہ ہے،یقین ہےپی سی بی نےانٹرنیشنل کرکٹ کی بحالی کی لئےبڑی محنت کی ہے،ای سی بی کےمطابق کھلاڑیوں کی سیکورٹی ترجیح ہے،دورہ پاکستان سےمتعلق ہمارےکھلاڑیوں کےخدشات تھے۔جس پرانگلش کرکٹ بورڈ کےچیئرمین کو اعتراضات تھے اوروہ یہ سمجھتے تھے کہ اس کے پیچھے کہانی کوئی اور ہے ، آج انہوں نے برطانوی حکومت کے فیصلے پراحتجاج کرتے ہوئے استعفیٰ دے دیا ہے