پاکستان کو ریڈ لسٹ میں ڈالنے کے فیصلے کو برطانوی عدالت نے درست قرار دیدیا

لندن :پاکستان کو ریڈ لسٹ میں ڈالنے کے فیصلے کو برطانوی عدالت نے درست قرار دیدیا،اطلاعات کے مطابق لندن ہائیکورٹ نے پاکستان کو ریڈ لسٹ سے نکالنے سے متعللق کیس کا فیصلہ سنادیا، عدالت کا کہنا ہے کہ پاکستان کو ریڈ لسٹ سے نکالنے کا فیصلہ برطانوی حکومت ہی کرسکتی ہے۔

پاکستان کو ریڈ لسٹ میں ڈالے جانے کے خلاف بیرسٹر زہاب جمالی نے 3 پاکستانیوں کی جانب سے عدالت سے رجوع کیا تھا۔ جس پر لندن ہائیکورٹ نے فیصلہ سنادیا۔درخواست میں موقف اختیار کیا گیا تھا کہ پاکستان میں کیسز کم ہونے کے باوجود بھارت سے پہلے کیوں ریڈ لسٹ میں ڈالا گیا۔

عدالت نے قرار دیا کہ وبا سے نمٹنے کے لیے حکومت کے فیصلے درست ہیں۔

یاد رہےکہ برطانیہ نے پاکستان کوکورونا کیسز کی کم شرح ہونے کے باوجود ریڈ لسٹ میں ڈالے جانے پر برطانیہ اورپاکستان میں سخت ردعمل سامنےآیا تھا ، حکومت برطانیہ کے اس فیصلے کے خلاف برطانیہ میں مقیم کئی شہریوں نے لندن ہائی کورٹ میں درخواست دائر کی تھی جس پرآج عدالت نے فیصلہ سنا دیا